महेन्द्र बहुमुखीको छात्राबासलाई पूर्णता दिन नगर प्रमुख विष्टको अग्रसरता

शिक्षा

गृहपृष्ठ
शिक्षा
महेन्द्र बहुमुखीको छात्राबासलाई पूर्णता दिन नगर प्रमुख विष्टको अग्रसरता

महेन्द्र बहुमुखीको छात्राबासलाई पूर्णता दिन नगर प्रमुख विष्टको अग्रसरता

बिहीबार, साउन १२, २०७९ बागेश्वरी पोस्ट

नेपालगञ्ज । नेपालगञ्ज उपमहानगरपालिकाका प्रमुख प्रशान्त विष्टले महेन्द्र बहुमुखी क्याम्पस नेपालगञ्जको अलपत्र अवस्थामा रहेको छात्राबासलाई पूर्णता दिनका लागि पहल अघि बढाएका छन् ।

नगर प्रमुख विष्टको पहल र समन्वयमा भारतीय राजदुताबासका शाखा अधिकृत चन्द्र प्रकाश नेतृत्वको टोलीले आज अलपत्र अवस्थामा रहेको छात्राबास र क्याम्पसका जीर्ण भवनको स्थलगत अनुगमन गरी जानकारी लिएको छ । सो अवसरमा भारतीय दुताबासका शाखा अधिकृत चन्द्र प्रकाशले दुताबासको सहयोग भएपनि भवन निर्माण कार्य अलपत्र परेकोमा भारत सरकार दुःखित भएको बताए ।

No description available.

निर्माण ब्यवसायीको कमजोरीका कारण डिग्री भवन र छात्राबास भवन अलपत्र भएको भन्दै उनले छात्राबासको पूर्णताका लागि पुनः लागत स्टिमेट तयार गरी दुताबासको सम्पर्कमा आउनु आग्रह गरे । सो अवसरमा नगर प्रमुख विष्टले अधुरो रहेको डिग्री भवन उपमहानगरपालिकाको आर्थिक सहयोगमा पूर्णता दिइएको जानकारी दिए । छात्राबासँगै क्याम्पसका बर्षौ पुराना भवन निर्माणमा सहयोग गर्न नगर प्रमुख विष्टले भारतीय दुताबासलाई आग्रह गरे ।

महेन्द्र बहुमुखी क्याम्पस नेपालगञ्जका प्रमुख लालमणि आचार्यले क्याम्पसमा रहेका जीर्ण भवन निर्माण तथा छात्राबासलाई पूर्णता दिनका लागि नेपालगञ्ज उपमहानगरपालिका र भारतीय दुताबास समक्ष माग गरिएको जानकारी दिए ।

नगर प्रमुख विष्ट क्याम्पसको स्वतन्त्र विद्यार्थी यूनियनको उपसभापति रहेको अवस्थामा भारतीय दुताबास समक्ष छात्राबास र डिग्री भवन निर्माणका लागि प्रस्तावना माग गरिएको थियो । विष्टले आफूले उच्च शिक्षा अध्ययन गरेको र राजनीतिको सुरुवात गरेको क्याम्पस भएका कारण महेन्द्र बहुमुुखी क्याम्पसको भौतिक र शैक्षिक सुधारका लागि सक्दो प्रयत्न गर्ने प्रतिवद्धता ब्यक्त गरे ।

प्रकाशित मिति: बिहीबार, साउन १२, २०७९ १२:२५