सिद्धार्थ विद्या सदनद्वारा कक्षा ११ का विद्यार्थीलाई स्वागत

शिक्षा

गृहपृष्ठ
शिक्षा
सिद्धार्थ विद्या सदनद्वारा कक्षा ११ का विद्यार्थीलाई स्वागत

सिद्धार्थ विद्या सदनद्वारा कक्षा ११ का विद्यार्थीलाई स्वागत

मंगलबार, भदौ २८, २०७९ बागेश्वरी पोस्ट

नेपालगञ्ज । सिद्धार्थ विद्या सदनले कक्षा ११ मा पढ्ने विद्यार्थीहरुलाई आज एक कार्यक्रमका बीच स्वागत गरेको छ । यसै शैक्षिक सत्रदेखि कक्षा ११ पढाउने अनुमति पाएको नेपालगञ्ज ६ फूल्टेक्रास्थित सिद्धार्थ विद्या सदनले विद्यार्थीहरुको स्वागतमा एक कार्यक्रमको आयोजना गरेको हो ।

विद्यालयका अध्यक्ष रामलखन शर्माको अध्यक्षतामा सम्पन्न स्वागत कार्यक्रममा विद्यालयका संस्थापक प्रिन्सिपल धिरजसिंह थापाले स्वागत मन्तब्य व्यक्त गरेका थिए । उनले सिद्धार्थलाई विश्वास गरेर सिद्धार्थबाट एसइई गरेका विद्यार्थीहरु कक्षा ११ भर्ना हुनु सुखद् पक्ष भएको भन्दै उपयुक्त शैक्षिक वातावरण निर्माणमा कुनै कसर बाँकी नराख्ने बताए । उनले विद्यार्थी र विद्यालयको भविष्य संगसंगै जोडिएकाले समयानुकुल पठनपाठनमार्फत् उत्कृष्ट नतिजा हासिल गर्न हातेमालो गरेर अघि बढ्नुपर्ने बताए ।

विद्यालयका भाइस प्रिन्सिपल प्रबिण गिरीले सञ्चालन गरेको कार्यक्रममा कक्षा ११ मा शिक्षण गरिरहेका शिक्षकहरु नवीन गिरी, शान्त मल्ल, बेदबहादुर डाँगी लगायतले विद्यार्थीहरुको उज्ज्वल भविष्यको लागि शुभकामना व्यक्त गर्दै सिद्धार्थ उपयुक्त शैक्षिक थलो भएकाले निर्धक्कका साथ अध्ययनलाई अगाडि बढाउन आग्रह गरे ।

कार्यक्रममा विद्यार्थीहरुका तर्फबाट स्नेहा मगर र संरक्षण केसीले मन्तब्य व्यक्त गर्दै १० कक्षासम्म अध्ययन गरेको विद्यालय भएकाले आफूहरुलाई उपयुक्त लागेर फेरि सिद्धार्थ नै छनौट गरेको बताए । कार्यक्रमको समापन गर्दै विद्यालयका अध्यक्ष शर्माले आफ्नो र विद्यालयको नाम रोशन गर्ने गरी पढाईलाई अगाडि बढाउन आग्रह गरे । उनले विद्यालयले उपयुक्त शैक्षिक वातावरण प्रदान गरिरहेको बताए । त्यसक्रममा विद्यार्थीहरु आयुष गुरुंग, संरक्षण केसी र शुभम ओलीले विभिन्न गीतहरु प्रस्तुत गरेका थिए ।

कक्षा ११ को नयाँ अनुमति पाएको सिद्धार्थले यसै शैक्षिक सत्रदेखि व्यवस्थापन संकायमा पढाई शुरु गरेको भाइस प्रिन्सिपल गिरीले बताए ।

फोटोफिचर

No description available.