मुख्यमन्त्री गिरीद्वारा प्रस्तावित लुम्बिनी प्रादेशिक विश्वविद्यालय निर्माणस्थलको निरीक्षण

शिक्षा

गृहपृष्ठ
शिक्षा
मुख्यमन्त्री गिरीद्वारा प्रस्तावित लुम्बिनी प्रादेशिक विश्वविद्यालय निर्माणस्थलको निरीक्षण

मुख्यमन्त्री गिरीद्वारा प्रस्तावित लुम्बिनी प्रादेशिक विश्वविद्यालय निर्माणस्थलको निरीक्षण

बुधबार, चैत २२, २०७९ बागेश्वरी पोस्ट

नेपालगञ्ज । लुम्बिनी प्रदेशका मुख्यमन्त्री लिला गिरीले आज बाँकेको खजुरा गाउँपालिकास्थित प्रस्तावित लुम्बिनी प्राविधिक विश्वविद्यालय निर्माणस्थलको निरीक्षण गरेका छन् ।

खजुरा गाउँपालिका वडा नम्बर ७ मा ३७ र वडा नम्बर ८ मा ८१ बिगाहा विश्वविद्यालयलाई आवश्यक पर्ने जमिन प्राप्तिका लागि प्रक्रिया अघि बढाउन लागिएको छ । सो क्रममा मुख्यमन्त्री गिरीसँग खजुरा क्षेत्रका स्थानीयले आफूहरूको उचित व्यवस्थापन हुने गरी काम गर्न आग्रह गरेका छन् । मुख्यमन्त्री गिरीले प्रदेशको गौरव योजनाका रूपमा रहेको विश्वविद्यालयबाट प्राविधिक जनशक्ति उत्पादनमा योगदान पुग्ने भएको भन्दै सबैको सहयोग आवश्यक भएको बताए । त्यसक्रममा खजुरा गाउँपालिकाका अध्यक्ष डम्बर बिकले विश्वविद्यालय निर्माणको काम सुरु भएपछि स्थानीयवासीको व्यवस्थापन हुने विश्वास दिलाएका थिए ।

निरीक्षणका क्रममा बाँके क्षेत्र नम्बर १ का प्रतिनिधिसभाका सांसद सूर्य ढकाल, लुम्बिनी प्रदेशका सांसद रत्न खत्री, खजुरा गाउँपालिकाका निर्वतमान अध्यक्ष किस्मतकुमार कक्षपति, नेपाली काँग्रेस खजुरा गाउँपालिका सभापति रमेश सिजाली लगायत स्थानीय बासिन्दाको उपस्थिति रहेको थियो ।

प्रकाशित मिति: बुधबार, चैत २२, २०७९ १४:५२