नेपालगञ्जका तल्लो कक्षा र खजुराका सम्पूर्ण विद्यालय तीन दिन बन्द

शिक्षा

गृहपृष्ठ
शिक्षा
नेपालगञ्जका तल्लो कक्षा र खजुराका सम्पूर्ण विद्यालय तीन दिन बन्द

नेपालगञ्जका तल्लो कक्षा र खजुराका सम्पूर्ण विद्यालय तीन दिन बन्द

नरैनापुरका विद्यालयमा पनि तीन दिन विदा

मंगलबार, पुस २०, २०७८ बागेश्वरी पोस्ट

नेपालगञ्ज । चिसो अत्याधिक बढेपछि नेपालगञ्ज उपमहानगरपालिकाभित्रका बालविकास र १ देखि कक्षा ५ सम्मको पढाई बन्द गरिएको छ ।

पुष २३ गतेसम्मका लागि उपमहानगरपालिका भित्रका बालविकास र १ देखि ५ कक्षा सम्मको पढाई बन्द गर्ने निर्णय गरिएको नेपालगञ्ज उपमहानगरपालिकाको शिक्षा महाशाखाका शाखा अधिकृत लोकेन्द्र बहादुर शाहीले बताए । आज बसेको शिक्षा समितिको बैठकले उक्त निर्णय गरेको उनले बताए ।

उनले बढ्दो चिसोको जोखिमलाई मध्यनजर गर्दै तल्लो तहमा अध्ययनरत साना बालबालिकाहरुको स्वास्थ्यलाई ध्यानमा राखी बाल विकास र कक्षा १ देखि ५ सम्मको कक्षा सञ्चालन बन्द गरिएको बताए । उता खजुरा गाउँपालिकामा पनि तीन दिनका लागि सम्पूर्ण विद्यालय बन्द गरिएको छ । यस्तै नरैनापुरका विद्यालय पनि २१ गतेदेखि तीन दिन बन्द गर्ने निर्णय गरिएको शिक्षा शाखा प्रमुख कृष्ण कुमार थारुले बताए ।

प्रकाशित मिति: मंगलबार, पुस २०, २०७८ १६:३८