स्प्रिङडेलद्वारा विद्यार्थीहरुलाई 'सकारात्मक सोच'को प्रशिक्षण

शिक्षा

गृहपृष्ठ
शिक्षा
स्प्रिङडेलद्वारा विद्यार्थीहरुलाई 'सकारात्मक सोच'को प्रशिक्षण

स्प्रिङडेलद्वारा विद्यार्थीहरुलाई 'सकारात्मक सोच'को प्रशिक्षण

सोमबार, पुस २६, २०७८ बागेश्वरी पोस्ट

नेपालगञ्ज । नेपालगञ्जस्थित स्प्रिङडेल एकेडेमी नेपालगञ्जले विद्यार्थीलाई सकारात्मक सोचबारे प्रशिक्षण दिएको छ ।

विद्यालयले आज नेपालगञ्जको मेरो प्लानेट फनपार्कमा आयोजना गरेको ‘रिप्रोग्राम युअर माइण्ड, रिडिजाइन युअर लाइफ’ विषय मोटिभेशनल कार्यक्रममा माध्यमिक तहका विद्यार्थीलाई सकारात्मक सोच सम्बन्धि प्रशिक्षण दिएको हो । कार्यक्रममा काठमाडौंबाट आएका मोटिभेशनल स्पिकर तथा सकारात्मक सोच अभियन्ता प्रितम पौडेलले सकारात्मक सोचले विद्यार्थीको शिक्षण सिकाई प्रभावकारी बनाएर भविष्यको लक्ष्य निर्धारण कसरी गर्न सकिन्छ भन्ने विषयमा प्रशिक्षण दिएका थिए । प्रशिक्षक पौडेलले 'हुन्न र सकिन्न' भन्ने सोचाईलाई बदलेर 'हुन्छ र सक्छु' भन्ने धारणालाई आत्मसाथ गर्न विद्यार्थीलाई उत्प्रेरित गरे ।

सकारात्मक सोचबारे विद्यार्थीका लागि कार्यक्रम आयोजना गर्ने स्प्रिङडेल एकेडेमी नेपालगञ्जको पहिलो विद्यालय भएको प्राचार्य शरदचन्द्र रावलले दाबी गरेका छन् । आज कक्षा ६ देखि १२ कक्षासम्मका २८० जना विद्यार्थीलाई कार्यक्रममा सहभागी गराएर कार्यक्रम आयोजना गरिएको प्राचार्य रावलले बताए ।

प्रकाशित मिति: सोमबार, पुस २६, २०७८ २०:३९

प्रतिक्रिया दिनुहोस्