नेपालगन्ज महोत्सवमा जोडियो मेगा वैंक

मनोरञ्जन

गृहपृष्ठ
मनोरञ्जन
नेपालगन्ज महोत्सवमा जोडियो मेगा वैंक

नेपालगन्ज महोत्सवमा जोडियो मेगा वैंक

बिहीबार, फागुन १५, २०७६ सुनिल रेग्मी

नेपालगन्ज । एजी सर्भिस प्रालिको आयोजनामा नेपालगन्जमा हुन गइरहेको दोस्रो नेपालगन्ज महोत्सव २०७६ मा वैकिङ्ग पाटर्नको रुपमा मेगा बैँक नेपाल लिमिटेड जोडिएको छ ।

आयोजक र बैँक विच विहिवार सम्झौता पत्रमा हस्ताक्षर भएको छ । नेपालगन्ज वैंकका मार्केटिङ म्यानेजर भुपेन्द्र बि.सीले वैंकको संस्थागत सामाजिक उत्तर दायित्व अन्तर्गत मेला संग सहकार्य गरेको बताए । २०१९ मा बैंक आफ द इयर बाट विभुषित मेगा बैंक क वर्गको वैंक हो । मार्केटिङ म्यानेजर वि.सीले सम्पुर्ण मानुभावहरुको लागी सेभिङ खाता, मेगा माया बचत खाता, मेगा विश्वास बचत खाता, मेगा कर्पोरेट वेनिफिट सेभिङ खाता लगायत २२ वटा निकै फाइदा जनक अफर ल्याएको बताउँदै खाता खोल्न र कारोबार गर्न निकै सहज पकृया रहेको उल्लेख गरे ।

मेगा बैंक संगको सहकार्यले आर्थिक कारोबार सहज र पार्दशी हुने बताउँदै महोत्सव सन्चालन समितिका सदस्य धनन्जय खड्काले आगामी दिनमा मेगा संगको सहकार्य निकै लामो समय सम्म हुने उल्लेख गरे । सदस्य खड्काले मेगा बैंकलाई धन्यवाद ज्ञापन गर्दै सबै नागरिकलाई मेगामा कारोबार गरेर आफ्नो कारोबारलाई बढवा दिन सुझाव दिए ।

“समृद्ध नेपालको प्रमुख आधार व्यापार कृषि पर्यटन संस्कृति तथा रोजगारको पुर्वाधार” भन्ने मुल नारा सहित यहीँ फागुन २१ गतेदेखि चैत २ गतेसम्म सन्चालन हुने महोत्सवर्को तयारी तिव्र्र पारिएको छ । महोत्सवमा नेपालगन्ज कोहलपुर सडक खण्डको विभिन्न स्थानमा गेट लगाउने, स्टल निर्माण, वाल उद्यान निर्माण र सजावटको कामलाई तिव्र पारिएको छ ।

कलाकार सहितको मेलाको प्रचा पम्पलेट टाँस्ने र अटोहरुमा जिङ्गल बजाएर विभिन्न स्थानमा प्रचार प्रसार सुरु समेत गरिएको सचिवालय व्यवस्थापन उप समितिका संयोजक बसन्त मल्लले जानकारी दिए । महोत्सवमा रेखा थापा,कमला घिमिरे,भिटेन, पल शाह, पुजा शर्मा, दुर्गेश थापा, प्रकाश सपूत, ज्योति मगर, चन्द्र शर्मा, सुनिल गिरी,गोपाल नेपाल जिएम, अन्जली अधिकारी, टीका सानु, सिर्जु अधिकारी,जिक्री पाँडे, आरुसी मगर, सावित्री प्रीति, भुपेन्द्र राना, बल्छी धुर्बे, रमेश कठायत, एमटी महर, शोभित बस्नेत,मिस्टर आर्र्जे, चक्र बम,दुर्गा भट्, लिला वली,लगायतका कलाकारहरु आउने छन् ।

महोत्सव मार्फत पर्यटन वर्ष २०२० लाई सफल बनाउँन निकै ठूलो भुमिका खेल्ने आकर्षक राखेको आयोजकले जनाएको छ । महोत्सवलाई २ लाख ५० हजार बढी दर्शकले अवलोकन गर्ने र ३ सय बढी स्टल रहने पनि आयोजकले जनाएको छ ।

“समृद्ध नेपालको प्रमुख आधार ब्ययापार कृषि पर्यटन संस्कृति तथा रोजगारको पुर्वाधार” भन्ने मुल नारा सहित यहीँ फागुन २१ गतेदेखि चैत २ गतेसम्म सन्चालन हुने महोत्सवस्थल यतिबेला तयार भइरहेको एजी सर्भिसका अध्यक्ष नन्द बहादुर बुढाले जानकारी दिए ।

नेपालगन्ज स्थित वाटरपार्कमा सन्चालन हुने महोत्सवको सचिवालय पनि स्थापना गरिएको छ । गत सालको पहिलो महोत्सवको सफलतापछि उत्साहित आयोजक टिमले यस पटक दिउँसोको कार्यक्रम पश्चात् रात्रीकालिन कार्यक्रम पनि सन्चालन गर्नेछ । रातीकालिन कार्यक्रम १० बजेसम्म संन्चालन हुनेछ ।

प्रकाशित मिति: बिहीबार, फागुन १५, २०७६ १९:४६