कांग्रेसलाई प्रमुख विपक्षी दलको मान्यता

राजनीति

गृहपृष्ठ
राजनीति
कांग्रेसलाई प्रमुख विपक्षी दलको मान्यता

कांग्रेसलाई प्रमुख विपक्षी दलको मान्यता

सोमबार, माघ ९, २०७९ बागेश्वरी पोस्ट

नेपालगञ्ज । संघीय संसद सचिवालयले नेपाली कांग्रेसलाई प्रमुख विपक्षी दलको मान्यता दिएको छ ।

सचिवालयले कांग्रेस संसदीय दलका नेता शेरबहादुर देउवालाई विपक्षी दलको नेताको हैसियतमा सेवा सुविधा प्राप्त हुने जानकारी गराएको पत्र पठाएको हो ।

यसअघि कांग्रेसले संसद सचिवालयमा पार्टीलाई विपक्षी दलको मान्यता दिँदै सेवा सुविधा उपलब्ध गराउन पत्र पठाएको थियो । सोही अनुरूप सचिवालयले पत्र पठाएको हो ।

सचिवालयले पठाएको पत्रमा भनिएको छ, प्रस्तुत विषयमा तहाँ दलको कार्यालयको पत्र संख्या २०७९।०८० च.नं. ४५, मिति २०७९।०९।२९ को पत्रबाट प्रतिनिधिसभामा विपक्षी दलको नेता माननीय श्री शेर बहादुर देउवाज्यूले प्रमुख विपक्षी दलको नेताको हैसियतले प्राप्त गर्ने सुविधा माग भई आएको सन्दर्भमा सो सुविधा संघीय संसदका पदाधिकारी तथा सदस्यहरूको पारिश्रमिक र सुविधासम्बन्धि ऐन, २०७३ को सम्बन्धित दफाहरू र अनुसूची १ तथा अनुसूची २ बमोजिम हुने व्यहोरा निर्देशानुसार अनुरोध छ ।

प्रधानमन्त्री पुष्पकमल दाहाल (प्रचण्ड) लाई विश्वासको मत दिएपछि कांग्रेसको आलोचना हुँदै आएको थियो ।

प्रकाशित मिति: सोमबार, माघ ९, २०७९ १९:४५

प्रतिक्रिया दिनुहोस्