कोशीका मुख्यमन्त्री उद्धव थापा फेरि पदमुक्त

राजनीति

गृहपृष्ठ
राजनीति
कोशीका मुख्यमन्त्री उद्धव थापा फेरि पदमुक्त

कोशीका मुख्यमन्त्री उद्धव थापा फेरि पदमुक्त

बिहीबार, भदौ २१, २०८० बागेश्वरी पोस्ट

काठमाडौं । कोशी प्रदेशका मुख्यमन्त्री उद्धव थापालाई फेरि सर्वोच्च अदालतले पदमुक्त गरेको छ ।

सर्वोच्च अदालतले कोशी प्रदेश सभाको सबभन्दा ठूलो दल नेकपा एमाले कोशीका संसदीय दलका नेता हिक्मतकुमार कार्कीलाई मुख्यमन्त्री बनाउन आदेश दिएको छ ।

आजको सुनुवाइमा सर्वोच्चले आदेश दिँदै आगामी ४८ घण्टाभित्र कार्कीलाई नयाँ मुख्यमन्त्री नियुक्त गर्न परमादेश जारी गरेको हो । गत साउन १६ मा कोशीको मुख्यमन्त्री नियुक्त भएका थापाले प्रदेशसभा बैठकको अध्यक्षता गरेका इस्राइल अन्सारीलाई मतदान गर्न लगाएर ४ भदौमा प्रदेश सभाबाट विश्वासको मत लिएका थिए ।

प्रदेश सभाको अध्यक्षता गरेका व्यक्तिलाई जबरजस्ती आफ्नो पक्षमा मतदान गराउने सत्ता गठबन्धनको प्रयासलाई अदालतले फेरि असंवैधानिक ठहर गरेको हो । कोशीका मुख्यमन्त्री थापा दुई पटक सर्वोच्च अदालतबाट पदमुक्त हुने पहिलो मुख्यमन्त्री बनेका छन् ।

प्रकाशित मिति: बिहीबार, भदौ २१, २०८०, १९:५४:००

प्रतिक्रिया दिनुहोस्