भोली हुने राष्ट्रियसभा चुनावको सबै तयारी पूरा

राजनीति

गृहपृष्ठ
राजनीति
भोली हुने राष्ट्रियसभा चुनावको सबै तयारी पूरा

भोली हुने राष्ट्रियसभा चुनावको सबै तयारी पूरा

मंगलबार, माघ ११, २०७८ बागेश्वरी पोस्ट

नेपालगञ्ज । भोली हुने राष्ट्रियसभा चुनावको सबै तयारी पूरा भएको छ । मतदानका लागि सातवटै प्रदेशमा रहेका मतदान केन्द्रहरूमा आवश्यक सबै तयारी पूरा भएको निर्वाचन आयोगले जनाएको छ ।

राष्ट्रियसभामा फागुन २० गतेदेखि रिक्त हुने १९ पदका लागि भोली बिहान ९ बजेदेखि दिउँसो ३ बजेसम्म मतदान हुँदैछ । आयोगले मतदानका लागि आठ वटा मतदानस्थल र १४ वटा मतदान केन्द्र तोकेको छ । आयोगले माघ ७ गते नै सबै प्रदेशको निर्वाचन अधिकृतको कार्यालयमा मतपत्र पठाइसकेको जनाएको छ ।

सात वटा प्रदेशमा २ हजार २५ जना मतदाता छन् । भोलीको चुनावमा ५ सय ३२ जना प्रदेशसभा सदस्य र १ हजार ४ सय ९३ जना पालिकाका प्रमुख तथा उपप्रमुखले मतदान गर्नेछन् । १९ पदका लागि ४३ जनाको उम्मेदवारी परेको छ ।

सत्ता गठबन्धनमा रहेका पाँच दलले राष्ट्रियसभा चुनावमा पनि गठबन्धन बनाएका छन् । उनीहरूले चुनावका लागि पद बाँडफाँड गरिसकेका छन् । यस्तै प्रमुख प्रतिपक्षी दलको भूमिकामा रहेको नेकपा एमालेले भने सातै प्रदेशमा आफ्ना उम्मेदवार अघि सारेको छ ।

कोरोना महामारीको जोखिम उच्च रहेकाले मतदानस्थलमा स्वास्थ्यका मापदण्ड पालनामा कडार्इ गरिएको निर्वाचन आयोगले जनाएको छ । आयोगले यसअघि नै राष्ट्रियसभा चुनावमा पालना गर्नुपर्ने स्वास्थ्यका मापदण्डको सूची सार्वजनिक गरिसकेको छ ।

प्रकाशित मिति: मंगलबार, माघ ११, २०७८ ०९:०८

प्रतिक्रिया दिनुहोस्