सेनाले पृतनापति समन्वयात्मक बैठक बोलायो

सुरक्षा-अपराध

गृहपृष्ठ
सुरक्षा-अपराध
सेनाले पृतनापति समन्वयात्मक बैठक बोलायो

सेनाले पृतनापति समन्वयात्मक बैठक बोलायो

शनिबार, कात्तिक १, २०७७ बागेश्वरी पोस्ट

सैनिक मुख्यालय

नेपालगन्ज । नेपाली सेनाले पृतनापति समन्वयात्मक बैठक बोलाएको छ । सैनिक जनसम्पर्क निर्देशनालयले शुक्रवार एक विज्ञप्ति जारी गर्दै कार्तिक २ गते देखि ४ गतेसम्म पृतनापतिको समन्वयात्मक बैठक बोलाइएको जानकारी दिएको छ ।

नेपाली सेनाले गत भाद्रमा उक्त वैठक बोलाउने निर्णय गरेपनि कोभिड-१९ को महामारीका कारण वैठक स्थगित भएको थियो । पृतनापति सम्मेलनमा आठ वटै पृतनाका पृतनापतिहरुले आ-आफ्नो जिम्मेवारी क्षेत्रबाटै भच्र्युअल सहभागीता जनाउनेछन् ।उनिहरुले आ-आफ्नो क्षेत्रको रिपोर्टिंग गर्नुको साथै कार्यक्षेत्रमा देखिएका चुनौतीको बारेमा पनि जानकारी दिनेछन् । त्यस्तै सम्मेलनमा मुलुकको पछिल्लो सुरक्षा अवस्था र चुनौतीका बारेमा समेत छलफल हुनेछ ।

जंगी अड्डाका सहभागीहरुले कोभिड-१९ को स्वास्थ्य सम्बन्धी मापदण्डको पूर्ण रुपमा पालना गर्ने कार्यक्रम रहेको सेनाले जनाएको छ । सेनाले प्रत्येक वर्ष पृतनापति समन्वयात्मक बैठक आयोजना गर्दै आएको छ ।

प्रकाशित मिति: शनिबार, कात्तिक १, २०७७ ०५:१०

प्रतिक्रिया दिनुहोस्