जोर बिजोर लगाउदै आइतबार पनि बिदा दिन आयल निगमले गर्यो प्रस्ताव

अर्थ

गृहपृष्ठ
अर्थ
जोर बिजोर लगाउदै आइतबार पनि बिदा दिन आयल निगमले गर्यो प्रस्ताव

जोर बिजोर लगाउदै आइतबार पनि बिदा दिन आयल निगमले गर्यो प्रस्ताव

मंगलबार, चैत १५, २०७८ बागेश्वरी पोस्ट

नेपालगन्ज । नेपाल आयल निगमले इन्धनको खपत कम गर्ने गरी सवारीसाधन चलाउदा जोर बिजोर प्रणाली लागू गर्न सरकारलाई आग्रह गरेको छ। निगमले इन्धन खपत कम गर्न आइतबारका दिन पनि सार्वजनिक बिदा दिन सरकार लाई प्रस्ताव गरेको छ ।

निगमले सरकारलाई पत्र लेख्दै सार्वजनिक तथा सरकारी सवारी साधनको प्रयोग घटाएर इन्धनको खपत कम गर्ने गरी थप एक दिन बिदा दिन प्रस्ताव गरेको हो ।

इन्धन मूल्य वृद्धिको मारबाट निगमलाई जोगाउन यस्तो उपायमा विचार गर्न उद्योग वाणिज्य तथा आपूर्ति मन्त्रालयलाई पत्राचार गरिएको निगमका प्रवक्ता विनितमणि उपाध्यायले बताए ।‘निगमको आर्थिक अवस्था निकै जर्जर भयो, पेट्रोलियमको मूल्यका कारण देशलाई जोगाउन पनि दुई दिन सार्वजनिक बिदा र जोर बिजोर लागू गर्न पर्ने देखियो’ उपाध्यायले भने ।

मन्त्रालयलाई १० बुँदामा लिखित माग बुझाउँदै निगमले लेखेको पत्रमा पेट्रोलियममा भन्सार शुल्क, मूल्य अभिवृद्धि कर र पूर्वाधार विकास शुल्क घटाउन माग पनि गरिएको छ ।पेट्रोलियममा प्रतिलिटरमा १५ रुपैयाँ मूल्य कर घटाउन र ग्याँसमा २०० रुपैयाँ कम गर्न निगमले सरकारसँग माग गरेको छ ।

यस्तै इन्धन खरिदको भुक्तानी गर्न निगमलाई आवश्यक पर्ने थप रकम जोहोको व्यवस्था गर्न, बढेर आएकै मूल्य बराबरमा मूल्य बढाउनु पाउनु पर्ने तथा सबै प्रकारका सवारी साधनहरुलाई पूर्ण क्षमतामा सञ्चालन गर्न दिने व्यवस्था गर्न पनि माग गरिएको छ । अनलाइनखबरबाट।

प्रकाशित मिति: मंगलबार, चैत १५, २०७८ १३:३२

प्रतिक्रिया दिनुहोस्