नेपालगन्जमा सद्भाव कलर हाउस सन्चालनमा

अर्थ

गृहपृष्ठ
अर्थ
नेपालगन्जमा सद्भाव कलर हाउस सन्चालनमा

नेपालगन्जमा सद्भाव कलर हाउस सन्चालनमा

शुक्रबार, माघ ३, २०७६ बागेश्वरी पोस्ट

नेपालगन्ज । नेपालगन्ज उद्योग बाणिज्य संघको निर्वाचनको सरगर्मी चलिरहेका बेला नेपालगन्जमा एक करोड लागतमा सद्भाव कलर हाउसले आफ्नो औपचारिक विक्रि वितरण सुरु गरेको छ । बर्जर पेन्टको आधिकारिक विक्रेता सद्भाव कलर हाउसको आज एक कार्यक्रमका बीच भब्य उद्घाटन भएको हो ।

नेपालगन्ज उद्योग बाणिज्य संघका अध्यक्ष नन्दलाल बैश्यले रिवन काटेर औपचारिक उद्घाटन गर्नुभएको हो । अध्यक्ष बैश्यले उद्योग वाणिज्य संघको चुनावी सरगर्मी चलिरहेको बेला ब्यापार ब्यवसायमा छुट्टै पहिचान स्थापित गर्ने उद्देश्यका साथ खोलिएको सद्भाव कलर हाउसको सफलताको शुभकामना दिनुभयो । उहँले भन्नुभयो–मेरो कार्यकाल सकिन लाग्दा नेपालगन्जमा ब्यापारको संख्या थपिएको छ ।

नेपालगन्जमा रहेर उद्योग ब्यापार सञ्चालन गर्न सहज वातावरण रहेको यसले पनि प्रष्ट पार्छ, अध्यक्ष बैश्यले अगाडी थप्नुभयो–सद्भाव कलर हाउसलाई नेपालगन्ज उद्योग बाणिज्य संघको साथ छ, मैले गर्नुपर्ने भूमिका निर्वाह गर्छु- उहाँले आफ्नो प्रतिबद्धता जाहेर गर्नुभयो। कार्यक्रमका प्रमुख अतिथि समेत रहेको संघका अध्यक्ष बैश्यले भन्नुभयो-मेरो नयाँ घर निर्माणको कार्य चलिरहेको छ, म आफ्नो घरमा बर्जरकै पेन्ट खरिद गर्छु-उहाँले औपचारिक कार्यक्रममा आफ्नो प्रतिबद्धता ब्यक्त गर्नुभयो।

नेपालगन्ज उपमहानगरपालिकाको कारकाँदो चोकमा रहेको सद्भाव कलर हाउसको उद्घाटनमा नेपालगन्ज उद्योग वाणिज्य संघको निर्वाचनमा होमिएका साझा प्रजातान्त्रिक उद्योगी व्यवसायी समुहका अध्यक्ष पदका उम्मेदवार ललित कुमार रौनियार तथा समाबेसी उद्योगी व्यवसायी समुहका अध्यक्ष पदका उम्मेदवार अब्दुल वाहिद मन्सुरी चुन्ना लगायतको सहभागिता रहेको थियो ।

उद्योग वाणिज्य संघको निर्वाचनकै दौरान सद्भाव कलर हाउसको औपचारिक उद्घाटन गरिएकोमा उहाँहरुले खुसी ब्यक्त गर्दै ब्यापार सफलताको शुभकामना समेत दिनुभएको थियो । बर्जर पेन्टको आधिकारिक विक्रेता सद्भाव कलर हाउसले बाँके सहित बर्दिया, सुर्खेत, दाङ्ग लगायतको क्षेत्रमा विक्रि वितरण गर्ने सद्भाव कलर हाउसका अध्यक्ष दामोदर भण्डारीले जानकारी दिनुभयो । उहाँका अनुसार एक करोड लागतमा सद्भाव कलर हाउस सञ्चालनमा आएको हो ।

प्रकाशित मिति: शुक्रबार, माघ ३, २०७६ २१:३०

प्रतिक्रिया दिनुहोस्