एक करोड ५० लाख बराबरको मोबाइलसहित दुईजना पक्राउ

अर्थ

गृहपृष्ठ
अर्थ
एक करोड ५० लाख बराबरको मोबाइलसहित दुईजना पक्राउ

एक करोड ५० लाख बराबरको मोबाइलसहित दुईजना पक्राउ

बुधबार, माघ ८, २०७६ बागेश्वरी पोस्ट

काठमाडौं ।प्रहरीले १ करोड ५० लाख रुपैयाँ बराबरको मोबाइलसहित दुईजनालाई पक्राउ गरेको छ।

भन्सार छलेर ल्याइएको विभिन्न ब्राण्डका ६३४ वटा मोबाइलसहित डोटीका उमेश भट्ट र सिन्धुपाल्चोकका इन्द्रबहादुर कटवाललाई प्रहरीले आज पक्राउ गरेको हो।

उनीहरु दुबैजनालाई महानगरीय प्रहरी वृत्त थानकोट र महानगरीय प्रहरी प्रभाग नागढुंगाको टोलीले मोबाइलसहित पक्राउ गरेको हो। पक्राउ परेका भट्ट र कटवालले भैरवहाबाट काठमाडौंमा मोबाइल लगेर जाँदै गरेको महानगरीय प्रहरी परिसर काठमाडौंले जानकारी दिएको छ।

उनीहरुले भारतीय नम्बर प्लेट डीएल २ सीएटी ७०१७ नम्बरको कारभित्र एयर ब्याग, सिट, डिकी लगायतका स्थानमा फल्स बटम बनाएर मोबाइल राखेको अवस्थामा पक्राउ गरिएको प्रहरीले जानकारी दिएको छ।