कोहलपुर प्रहरीद्वारा २५७ वटा अबैध खसी बरामद

अर्थ

गृहपृष्ठ
अर्थ
कोहलपुर प्रहरीद्वारा २५७ वटा अबैध खसी बरामद

कोहलपुर प्रहरीद्वारा २५७ वटा अबैध खसी बरामद

बिहीबार, माघ ९, २०७६ बागेश्वरी पोस्ट

बाँके । ईलाका प्रहरी कार्यालय कोहलपुरले २५७ वटा अबैध खसी नियन्त्रणमा लिएको छ।

प्रहरीले राप्तीसोनारी गाउँपालिकाको कुसुममा रहेको जङ्गलमा रा १ ख २८१ र रा १ ख १०९८ नम्बरका दुई वटा ट्रक र म १ ख ८२८ नम्बरको बसमा लोड गरि राखेको अवस्थामा बुधबार राती खसी बरामद गरेको कोहलपुर प्रहरी प्रमुख डिएसपी कुलदिप चन्दले बताए।

डिएसपी चन्दका अनुसार २५७ वटा खसीको बजार मुल्य करिब ३५ लाख रुपैयाँ रहेको छ । प्रहरीका अनुसार बरामद गरिएका खसीलाई काठमाडौं लैजाने तयारी गरिएको थियो ।

प्रहरीले खसीसहित चालकदलका सदस्यहरुलाई समेत पक्राउ गरेको छ। पक्राउ पर्नेमा रोल्पाका युबराज पुन र घोराहीका सविन थापा रहेका छन् ।प्रहरीले चेकजांचका क्रममा खसी लैजाने गाउँपालिकाको सिफारिस र पुश क्वारेन्ट कार्यालयको पत्र फरक देखिपछि थप अनुसन्धान कालागि खसी नियन्त्रणमा लिएको थियो।

प्रकाशित मिति: बिहीबार, माघ ९, २०७६ १६:१५