श्री एयरको '९ एन–एएनई' जहाजलाई उडानमा रोक

अर्थ

गृहपृष्ठ
अर्थ
श्री एयरको '९ एन–एएनई' जहाजलाई उडानमा रोक

श्री एयरको '९ एन–एएनई' जहाजलाई उडानमा रोक

सोमबार, वैशाख २५, २०८० बागेश्वरी पोस्ट

नेपालगन्ज । आज बिहान भैरहवा विमानस्थलबाट काठमाडौंका लागि उड्को श्री एयरलाइन्सको '९ एन–एएनई' जहाजलाई नेपाल नागरिक उडडयन प्राधिकरणले उडानमा रोक लगाएको छ।

प्राधिकरणले एक सूचना जारी गर्दै आज बिहान ९: ४० मा भैरहवा विमानस्थलबाट उडेको १८ मिनेटमै ल्यान्डिङ गियरमा समस्या आएपछि पुनः भैरहवा विमानस्थलमै आकस्मिक अवतरण गरेको ९ एन–एएनई' जहाजलाई उडानमा रोक लगाएको हो।

जहाजले आकस्मिक अवतरण गरेपनि जहाजमा रहेका चालकदल र यात्रु सबै सुरक्षित रहेका थिए। उक्त जहाज रनवेमै रोकिएपछि ५० मिनेट विमानस्थल अवरुद्ध भएको थियो। त्यति बेला काठमाडौंमा भैरहवा अवतरण गर्न लागेको यति एयरको जहाज काठमाडौंमै फिर्ता भएको थियो।

आजकै जहाजमा गत शनिबार पनि धनगढी विमानस्थलमा अगाडिको ल्यान्डिङ गियरमा समस्या देखिएको प्राधिकरणले जानकारी दिएको छ।

प्राधिकरणले उक्त जहाज उडानमा संलग्न इन्जिनियरहरूलाई पनि अर्को सूचना नआउन्जेलसम्मका लागि निलम्बन गरिएको जनाएको छ।

प्रकाशित मिति: सोमबार, वैशाख २५, २०८० १६:२३