माउन्टेन फ्लाइटमा रोक लगाइयो

अर्थ

गृहपृष्ठ
अर्थ
माउन्टेन फ्लाइटमा रोक लगाइयो

माउन्टेन फ्लाइटमा रोक लगाइयो

बिहीबार, असार २८, २०८० बागेश्वरी पोस्ट

काठमाडौं । मनाङ एयर हेलिकप्टर दुर्घटनामा पाइलटसहित ६ जनाको मृत्यु भएपछि माउन्टेन फ्लाइटमा रोक लगाइएको छ ।

नागरिक उड्ययन प्राधिकरणले एक सूचना जारी गर्दै हेलिकप्टरहरुको उडानमा कडाइ गर्नुका साथै उद्धार उडान लगायत हेलिकप्टर सञ्चालनका लागि अनुमति जारी गर्ने तर माउन्टेन फ्लाइट रोक लगाउने निर्णय गरेको हो ।

यस्तै प्राधिकरणले हेलिकप्टरबाट गरिने पुष्पवृष्टि जस्ता गैर अत्यावश्यक उडानहरू पनि मनसुनभर रोक लगाएको छ । प्राधिकरणले एयरलाइन्स कम्पनीमा शेयर भएका पाइलटहरुले सबै प्रकारका व्यावसायिक उडानहरूको लागि इजाजतपत्रको विशेषाधिकार प्रयोग गर्न नपाउने पनि जनाएको छ ।

मंगलबार सोलुखुम्बुको लुक्लाबाट काठमाडौँका उडेको मनाङ एयरको हेलिकप्टर दुर्घटना भएपछि प्राधिकरणले यस्तो निर्णय गरेको हो ।