त्रिभुवन विमानस्थलबाट एक क्विन्टल सुनसहित ६ जना पक्राउ

अर्थ

गृहपृष्ठ
अर्थ
त्रिभुवन विमानस्थलबाट एक क्विन्टल सुनसहित ६ जना पक्राउ

त्रिभुवन विमानस्थलबाट एक क्विन्टल सुनसहित ६ जना पक्राउ

बिहीबार, साउन ४, २०८० बागेश्वरी पोस्ट

काठमाडौं । त्रिभुवन अन्तर्राष्ट्रिय विमानस्थलबाट करिब एक क्विन्टल सुन बरामद भएको छ।

हङकङबाट मंगलबार आएको सुन बुधबार बिना जाँचसहित बाहिरिएको सुन राजश्व अनुसन्धान विभागको टोलीले सुनसहित ६ जनालाई पक्राउ गरेको छ ।

त्रिभुवन अन्तर्राष्ट्रिय विमानस्थलबाट बाहिरिएको सुनलाई ट्याक्सीमा राखेर एयरपोर्टबाट बाहिरिने क्रममा बुधबार विभागले बरामद गरेको हो।

अध्यागमन र प्रहरीबाटसमेत सुन पास गरेर अघि बढिसकेको अवस्थामा विभागले नियन्त्रणमा लिएको हो ।

पक्राउ परेका ६ जनालाई विभागले नियन्त्रणमा लिएर अनुसन्धान गरिरहेको छ । राजश्व अनुसन्धान विभागले बुधबार विशेष सूचनाको आधारमा चलाएको अपरेशनका क्रममा सिनामंगलबाट झण्डै ८० देखि १०० किलो सुन बरामद भएको विभागका महानिर्देशक नवराज ढुंगानाले बताए।

सुन ओसारपसारमा दिलिप भुजेल, रामकुमार भुजेल, भन्सार एजेन्ट राजेन्द्र राई ट्याक्सी चालक र थप दुई जनासमेत गए राति नै पक्राउ परेको राजश्व अनुसन्धान स्रोतले बतायो ।

नेपालमा हालसम्म बरामद भएको यो नै सबैभन्दा ठूलो परिणामको सुन हुनसक्छ’, उनले भने । घटना बारे थप अनुसन्धान भइरहेको छ।

प्रकाशित मिति: बिहीबार, साउन ४, २०८० ०८:४४