निगमले घटायो पेट्रोलियम पदार्थको मूल्य

अर्थ

गृहपृष्ठ
अर्थ
निगमले घटायो पेट्रोलियम पदार्थको मूल्य

निगमले घटायो पेट्रोलियम पदार्थको मूल्य

शनिबार, चैत ३, २०८० बागेश्वरी पोस्ट

काठमाडौं । नेपाल आयात निगमले पेट्रोलियम पदार्थको मूल्य घटाएको छ । निगमले आज बिहानदेखि लागू हुने गरी पेट्रोल, डिजेल र मट्टितेलमा मूल्य घटाएको हो ।

निगमले पेट्रोलमा १ तथा डिजेल र मट्टितेलमा २ रुपैयाँ मूल्य घटाएको जानकारी दिएको छ ।

मूल्य घटेपछि पेट्रोलको प्रति लिटरको पहिलो वर्गमा १६८ रुपैयाँ ६० पैसा, दोस्रोमा १७० र तेस्रोमा १७१ रुपैयाँ कायम भएको छ ।

यस्तै डिजेल र मट्टितेलको पहिलो वर्गमा १५५ रुपैयाँ ५० पैसा, दोस्रोमा १५७ र तेस्रोमा १५८ रुपैयाँ कायम गरिएको छ ।

निगमले निर्धारण गरेको पहिलो वर्ग अन्तर्गत झापाको चार आली, विराटनगर, वीरगन्ज, जनकपुर, अमलेखगन्ज, भलवारी, नेपालगन्ज र धनगढी क्षेत्र पर्छन् । त्यस्तै दोस्रो वर्गमा सुर्खेत र दाङ क्षेत्र पर्छन् भने निगमले निर्धारण गरेको तेस्रो वर्गमा काठमाडौं, पोखरा र दिपायल पर्छन् ।

प्रकाशित मिति: शनिबार, चैत ३, २०८० ०८:३९

प्रतिक्रिया दिनुहोस्