राप्तीसोनारीको बालापुरमा भीषण आगलागी, ३ वटा घर जले

स्थानीय

गृहपृष्ठ
स्थानीय
राप्तीसोनारीको बालापुरमा भीषण आगलागी, ३ वटा घर जले

राप्तीसोनारीको बालापुरमा भीषण आगलागी, ३ वटा घर जले

बुधबार, वैशाख १९, २०८१ बागेश्वरी पोस्ट

सम्शेरगन्ज । बाँकेको राप्तीसोनारी गाउँपालिका-८ स्थित बालापुर भीषण आगलागी भएको छ ।

आज दिउँसो साढे १२ बजे बालापुरमा रहेको चुनलाल थारु, कमला गिरी र तुलसा गिरीको तीन वटा घरमा आगलागी भएको खबर पाए लगत्तै सशस्त्र प्रहरी बल नं ४२ रिजर्भ गणबाट डीएसपी देवबहादुर बोहराको नेतृत्वमा खटिएको १०५ जना टोलीले आगो नियन्त्रणमा लिएको हो ।

करिब २ घण्टा लगाएर अग्नि नियन्त्रक उपकरणका साथै दमकलसहित गएको सशस्त्र प्रहरीको विपद् व्यवस्थापन टोलीले आगो नियन्त्रणमा लिए पनि अन्दाजी ३० लाख रुपैयाँको क्षति भएको सशस्त्र प्रहरीले जनाएको छ । एक्कासी सल्किएको आगो केहीबेरमै नियन्त्रण बाहिर जाँदा त्यहाँ रहेका लत्ताकपडा, गरगहना, घर पालुवा जनावर लगायत अन्न जलेर नष्ट भएको हो ।

अहिले आगो पूर्णरुपमा नियन्त्रणमा लिइसकेको डीएसपी बोहराले जानकारी दिएका छन् । नेपाली सेना, स्थानीय प्रहरी र स्थानीयहरुले आगलागी नियन्त्रण गर्न सशस्त्र प्रहरीलाई सहयोग गरेका थिए । अन्दाजी ३० लाख बराबरको धन सम्पत्ति नष्ट भएको अनुमान गरिए पनि आगलागीबाट क्षति भएको पूर्ण विवरण अझै आइनसकेको बताइएको छ ।