अनलाइनबाटै अब कर चुक्ता प्रमाणपत्र

अर्थ

गृहपृष्ठ
अर्थ
अनलाइनबाटै अब कर चुक्ता प्रमाणपत्र

अनलाइनबाटै अब कर चुक्ता प्रमाणपत्र

बुधबार, जेठ १६, २०८१ बागेश्वरी पोस्ट

काठमाडौं । अबदेखि अनलाइनबाटै कर चुक्ता प्रमाणपत्र लिन सकिने भएको छ ।

मंगलबार अर्थमन्त्री वर्षमान पुनले बजेट भाषणमा पेश गरेको आर्थिक विधयेक २०८१ बाट अनलाइनबाटै कर चुक्ता प्रमाणपत्र लिन सकिने व्यवस्था गरिएको हो ।

अनलाइन कर चुक्ता प्रमाणपत्र लिनलाई भने कर बक्यौता नभएको र सबै विवरण पेश गरिएको हुनुपर्ने भएको छ । यो सेवा लिन अनलाइनबाट क्युआर कोडसहित कर चुक्ता प्रमाणपत्र उपलब्ध गराउने व्यवस्था आर्थिक विधयेकले गरेको हो ।

हालसम्म कर चुक्ता प्रमाणपत्र लिन स्वयम् सेवाग्राही कर कार्यालयमा उपस्थित हुनैपर्ने प्रावधान रहँदा कर कार्यालयले प्रमाणपत्र दिन ढिलासुस्ती भएको गुनासो बढेपछि सरकारले सो व्यवस्था गरेको हो ।

प्रकाशित मिति: बुधबार, जेठ १६, २०८१ १२:०८