लुम्बिनी प्रदेशका वन मन्त्री बादशाहले दिए राजीनामा

राजनीति

गृहपृष्ठ
राजनीति
लुम्बिनी प्रदेशका वन मन्त्री बादशाहले दिए राजीनामा

लुम्बिनी प्रदेशका वन मन्त्री बादशाहले दिए राजीनामा

मंगलबार, भदौ २५, २०८१ बागेश्वरी पोस्ट

नेपालगञ्ज । लुम्बिनी प्रदेश सरकारका वन तथा वातावरण मन्त्री बादशाह कुर्मीले राजीनामा दिएका छन् ।

मन्त्री कुर्मीले मुख्यमन्त्री चेतनारायण आचार्यसमक्ष राजीनामा बुझाएका हुन् । उनको राजीनामा भने स्वीकृत भएको छैन । बाँकेकी निर्मला कुर्मीको शंकास्पद मृत्यु र सम्पत्ति हिनामिना प्रकरणमा संलग्न भएको आरोप खेपिरहेका कुर्मीविरुद्ध चौतर्फी दबाब बढेपछि आज राजीनामा दिएका हुन् । यद्यपि उनले आफू निर्दोष रहेको बताउँदै आएका छन् । उक्त घटनामा आफ्नो कुनै संलग्नता नरहेको उनको प्रष्टोक्ति छ । तर, पार्टी नेतृत्वले राजीनामा दिन सुझाएको बुझिएको छ ।

कुर्मीलाई साउन ९ गते कांग्रेसबाट बिना विभागीय मन्त्री बनाइएको थियो । मुख्यमन्त्री आचार्यले साउन १८ गते कुर्मीलाई वन तथा वातावरण मन्त्रीको जिम्मेवारी तोकेका थिए । गत निर्वाचनमा नेपाली कांग्रेस र नेकपा माओवादी केन्द्रको गठबन्धनबाट उनी बाँकेको निर्वाचन क्षेत्र नम्बर ३ (२) बाट लुम्बिनी प्रदेशसभामा निर्वाचित भएका थिए ।

प्रकाशित मिति: मंगलबार, भदौ २५, २०८१ १९:०७

प्रतिक्रिया दिनुहोस्