नेकपा एकीकृत समाजवादी बाँकेद्वारा जिल्ला अधिवेशनको लोगो सार्वजनिक

राजनीति

गृहपृष्ठ
राजनीति
नेकपा एकीकृत समाजवादी बाँकेद्वारा जिल्ला अधिवेशनको लोगो सार्वजनिक

नेकपा एकीकृत समाजवादी बाँकेद्वारा जिल्ला अधिवेशनको लोगो सार्वजनिक

मंगलबार, वैशाख १६, २०८२ बागेश्वरी पोस्ट

नेपालगञ्ज । नेकपा एकीकृत समाजवादी बाँकेले यही २० गते हुने आठौं जिल्ला अधिवेशनको लोगो सार्वजनिक गरेको छ । एकीकृत समाजवादीको पार्टी कार्यालय नेपालगञ्जमा आज एक औपचारिक कार्यक्रम गरी पार्टीका पोलिटव्युरो सदस्य तथा बाँके इन्चार्ज अव्दुल हुसेन खाँ, केन्द्रीय सदस्य नारायणी वली, बाँके अध्यक्ष इन्द्र बहादुर थापा, उपाध्यक्ष भद्र देवकोटा, सचिव दिपक जिएमले संयुक्तरूपमा लोगो सार्वजनिक गरेका थिए ।

बाँके जिल्लाको पहिचान झल्काउने बागेश्वरी मन्दिर र पाटे बाघलाई लोगोमा समेटिएको जिल्ला अधिवेशन प्रचार समिति प्रमुख भगवती अधिकारीले जानकारी दिइन् । जिल्ला अधिवेशनका लागि आठै वटा स्थानीय तहबाट २८७ जना प्रतिनिधि तथा प्रदेशका लागि ८७ प्रतिनिधि छनोट गरिसकेको नेकपा एकीकृत समाजवादी प्रचार विभाग उपप्रमुख लोकनाथ शर्माले जानकारी दिए ।

प्रकाशित मिति: मंगलबार, वैशाख १६, २०८२ २१:५२