क्रान्तिकारी कम्युनिष्ट पार्टीले बाँकेमा सिडिओलाई ज्ञापनपत्र बुझायो

राजनीति

गृहपृष्ठ
राजनीति
क्रान्तिकारी कम्युनिष्ट पार्टीले बाँकेमा सिडिओलाई ज्ञापनपत्र बुझायो

क्रान्तिकारी कम्युनिष्ट पार्टीले बाँकेमा सिडिओलाई ज्ञापनपत्र बुझायो

बिहीबार, असार ५, २०८२ बागेश्वरी पोस्ट

नेपालगञ्ज । क्रान्तिकारी कम्युनिष्ट पार्टी नेपालले बाँकेमा प्रमुख जिल्ला अधिकारी धर्मराज जोशीलाई ज्ञापनपत्र बुझाएको छ । पार्टीको केन्द्रीय आयोजनामा देशका ७७ जिल्लाका सिडिओलाई ज्ञापनपत्र वुझाउने निर्णय अनुसार बाँकेमा पनि ज्ञापनपत्र बुझाइएको हो । केन्द्रीय पर्चा, ३ नम्बर व्यूरोले तयार पारेको २१ बुँदे भ्रष्टाचार हुने क्षेत्र तोकेको पर्चासहित जिल्ला सेक्रेटेरी गुणानिधि आचार्यले हस्ताक्षर गरेको ज्ञापनपत्र सिडिओलाई बुझाइएको हो ।

ज्ञापनपत्र बुझाइसकेपछि भेरी अस्पताल चोकमा कोणसभा गरिएको थियो । कोणसभामा प्रमुख वक्ता पार्टीका पोलिटव्युरो सदस्य तथा ३ नम्बर (भेरी-कर्णाली) व्युरो सेक्रेटरी दिपक शाहीले सम्बोधन गर्दै संसदीय व्यवस्थाले जनतालाई दिन प्रति दिन कमजोर पार्दै लगेको जिकिर गरे । उनले यो व्यवस्थाको केन्द्रदेखि स्थानीय स्तरसम्म भ्रष्टाचार ब्याप्त रहेको दाबी गरे । कोणसभामा पार्टी जिल्ला सेक्रेटरी आचार्यले पनि सम्बोधन गरेका थिए भने सञ्चालन विक्रम भण्डारीले गरेका थिए ।

प्रकाशित मिति: बिहीबार, असार ५, २०८२ १९:५९

प्रतिक्रिया दिनुहोस्