अबदेखि अनलाइन सञ्चारमाध्यम दर्ता गर्न ५ हजार र नवीकरणमा २५ सय शुल्क

अर्थ

गृहपृष्ठ
अर्थ
अबदेखि अनलाइन सञ्चारमाध्यम दर्ता गर्न ५ हजार र नवीकरणमा २५ सय शुल्क

अबदेखि अनलाइन सञ्चारमाध्यम दर्ता गर्न ५ हजार र नवीकरणमा २५ सय शुल्क

शुक्रबार, कात्तिक १४, २०८२ बागेश्वरी पोस्ट

काठमाडौँ । सरकारले अनलाइन सञ्चार माध्यमका लागि नयाँ नियम लागू गरेको छ । मन्त्रिपरिषद् बैठकले अबदेखि अनलाइन सञ्चार माध्यमका लागि नयाँ नियम लागू गर्दै अनलाइन दर्ता तथा नवीकरणको लागि शुल्क लाग्ने गराएको हो ।

मन्त्रिपरिषद् बैठकले यसअघिको छापाखाना र प्रकाशनसम्बन्धि नियमावली संशोधन गर्दै सञ्चार माध्यमको दर्ता र नवीकरणमा शुल्क लाग्ने व्यवस्था गरेको हो ।

जस अनुसार अबदेखि अनलाइन दर्ताका लागि ५ हजार रुपैयाँ शुल्क लाग्ने आवेदन दिनुपर्ने व्यवस्था गरिएको छ भने अनलाइन सञ्चार माध्यमहरू प्रत्येक आर्थिक वर्षमा नवीकरण गर्नुपर्ने र यसरी नवीकरण गर्दा प्रत्येक पटक २५ सय शुल्क लाग्ने व्यवस्था गरिएको हो ।

यसअघि जिल्ला प्रशासन कार्यालयबाट दर्ता हुँदै आएका पत्रपत्रिका लगायतलाई सूचना तथा प्रसारण विभागमार्फत दर्ता तथा नियमन हुने व्यवस्था सरकारले मिलाएको छ ।

प्रकाशित मिति: शुक्रबार, कात्तिक १४, २०८२ १६:१३

प्रतिक्रिया दिनुहोस्