नेपालगन्जको इटा उद्योगमा काम गर्ने ३०० भारतीय मजदुर समस्यामा

अर्थ

गृहपृष्ठ
अर्थ
नेपालगन्जको इटा उद्योगमा काम गर्ने ३०० भारतीय मजदुर समस्यामा

नेपालगन्जको इटा उद्योगमा काम गर्ने ३०० भारतीय मजदुर समस्यामा

बिहीबार, वैशाख ४, २०७७ बागेश्वरी पोस्ट

नेपालगन्ज । नेपालगन्जको भाटनपुर्वास्थित पठान इटा उद्योगमा काम गर्ने भारतीय मजदुरहरु अलपत्र परेका छन् । वडा नम्बर १५ मा सशस्त्र क्याम्पको पूर्वतिर रहेको उक्त इटा उद्योगमा काम गर्ने करिब ३ सय भारतीय मजदुर अलपत्र परेका हुन् ।

उद्योग मालिक चाँद खाँ पठानले ५५ घरपरिवार रहेका ती मजदुरलाई आवश्यक पर्ने खाद्यान्न लगायत हप्तामा प्रति परिवारलाई एक हजार रुपैयाँ दिएर सहयोग गरेको बताउनुभयो । मालिक पठानले आफूले सक्दो सहयोग गरेको तर अहिले आफैं समस्यामा परेर थप सहयोग गर्ने अवस्था नहुँदा उनीहरुका लागि राहतको प्रबन्ध मिलाइदिन आग्रह गर्नुभएको छ ।

उहाँले भन्नुभयो– ‘इटा बिक्ने ठाउँ नभएर आफूसंग भएको पैसा पनि सकिएको अवस्था छ, अब कसरी उनीहरुलाई खुवाउने भन्ने भएको छ, कमसेकम सरकारी निकायले यी भारतीय मजदुरका लागि राहतको व्यवस्था गरिदिए हुन्थ्यो ।’ कोइला पनि नपाइएको र बनाइएको काँचो इटा समेत बिग्रने अवस्था भएको पठानले बताउनुभयो । ‘अब जसोतसो २/३ दिनलाई पुग्ने खाद्यान्न छ, त्यसपछि के गर्ने.......मजदुरलाई एकदम समस्या आउने अवस्था छ,’ पठानले भन्नुभयो । उनीहरुको सहयोगका लागि उहाँले अपिल गर्नुभयो ।

फोटो : सौरभ गिरी