खुद्रा व्यवसायीको सहकारी संघसंग समस्या समाधानार्थ छलफल

अर्थ

गृहपृष्ठ
अर्थ
खुद्रा व्यवसायीको सहकारी संघसंग समस्या समाधानार्थ छलफल

खुद्रा व्यवसायीको सहकारी संघसंग समस्या समाधानार्थ छलफल

सोमबार, असार २२, २०७७ बागेश्वरी पोस्ट

नेपालगन्ज । खुद्रा व्यवसायी संघ नेपालगन्जले जिल्ला सहकारी संघ लिमिटेड बाँके समक्ष आफ्ना समस्याहरु प्रस्तुत गर्दै समाधानका लागि छ्लफल गरेको छ ।

खुद्रा व्यवसायी संघका अध्यक्ष शिव प्रसाद दाहालको नेतृत्वमा सहकारी संघको कार्यालय पुगेको प्रतिनिधि मण्डलले सहकारी तथा वित्तीय संस्थामा जम्मा गरेको निक्षेपकाे सुरक्षा, कर्जा तथा किस्तामा सहुलियत, कर्जा नवीकरणमा म्याद थप र केही प्रतिशत ब्याजदरमा छुट लगायत अन्य समसामयिक विषयमा छलफल गरेको हो ।

छलफलमा जिल्ला सहकारी संघ लिमिटेड बाँकेका अध्यक्ष प्रेमप्रसाद सुवेदी लगायत जिल्लाका विभिन्न विषयगत सहकारी संघका अध्यक्षहरूले लकडाउन अवधिभरकाे ब्याजकाे दश प्रतिशत छुट गर्ने निर्णय भइसकेको जानकारी गराउँदै सहकारी तथा वित्तीय संस्थामा ९९ प्रतिशत खुद्रा व्यवसायीहरू जाेडिएकाले अागामी दिनहरूमा पनि व्यवसायीहरूसँग वृहत् रुपमा अापसी छलफल र सहमति अनुसार खुद्रा व्यवसायीका मागहरूलाई सम्बाेधन गर्दै जाने प्रतिबद्धता जनाएको अध्यक्ष दाहालले जानकारी दिनुभयो ।

त्यसक्रममा राष्ट्रिय सहकारी बैंक लिमिटेडका सञ्चालक विजया धिताल, बचत तथा ऋण जिल्ला सहकारी संघ बाँकेका अध्यक्ष प्रकाश ज्ञवाली, बहुउद्देश्यीय जिल्ला सहकारी संघ लिमिटेड बाँकेका अध्यक्ष बलबहादुर खड्का, साना किसान जिल्ला कृषि सहकारी संघ लिमिटेड बाँकेका एकता शाह, बचत तथा ऋण जिल्ला सहकारी संघ लिमिटेड बाँकेका सचिव प्रेमबहादुर शाह, बचत ऋण जिल्ला सहकारी संघ लिमिटेड बाँकेका प्रबन्ध सञ्चालक नवराज उपाध्यायको उपस्थितिमा खुद्रा व्यवसायी संघका प्रतिनिधि मण्डल अध्यक्ष दाहाल, संस्थापक अध्यक्ष भीमबहादुर रानाभाट, उपाध्यक्ष हिमनाथ पाैडेल, उपाध्यक्ष (महिला) प्रतिमा लम्साल, सचिव युवराज काफ्ले, कार्यसमिति सदस्य ललित कडायतवीच छलफल गरिएको थियो ।

प्रकाशित मिति: सोमबार, असार २२, २०७७ २२:१६

प्रतिक्रिया दिनुहोस्