बैंकका कर्मचारीलाई ट्राफिकले बाटैैबाट फर्काएपछि उपत्यकाका सबै बैंक बन्द गरियो

अर्थ

गृहपृष्ठ
अर्थ
बैंकका कर्मचारीलाई ट्राफिकले बाटैैबाट फर्काएपछि उपत्यकाका सबै बैंक बन्द गरियो

बैंकका कर्मचारीलाई ट्राफिकले बाटैैबाट फर्काएपछि उपत्यकाका सबै बैंक बन्द गरियो

बिहीबार, भदौ ४, २०७७ बागेश्वरी पोस्ट

काठमाडौं । काठमाडौं उपत्यकाका ट्राफिक प्रहरी कार्यालयबीच उचित समन्वय हुन नसक्दा बैंकमा जान लागेका कर्मचारीहरुलाई ट्राफिक प्रहरीले बाटोमा नै रोकेपछि आज बैंकिङ सेवा बन्द भएको हो । बैंकका कर्मचारीहरुलाई ट्राफिकले बाटोमै रोकेपछि नेपाल बैंकर्स एसोसिएसनले आज उपत्यकाका बैंकका सबै शाखा बन्द गर्न निर्देशन दिएको हो । यसअघि बुधबार रातीदेखि उपत्यकामा निषेधाज्ञा लागु हुने भएपनि स्थानीय प्रशासनले अत्यावश्यकीय सेवालाई सूचारु राख्ने गरी निषेधाज्ञा गरिने बताएको थियो । बैंकलाई पनि अत्यावश्यकीय सेवामा राखिएकाले निषेधाज्ञाको समयमा बैंकिङ सेवा सूचारु राख्ने सहमति थियो । बुधबार रातीदेखि निषेधाज्ञा हुने भएपछि मंगलबार जिल्ला प्रशासन कार्यालय काठमाडौंले अत्यावश्यकीय सेवा भन्दै बैंकका सिमीत शाखाहरु खुला राख्न सकिने जनाएको थियो । तर, उपत्यकाका ट्राफिक प्रहरीबीच उचित समन्वय हुन नसक्दा बिहीबार काममा हिँडेका कर्मचारीलाई ट्राफिक प्रहरीले रोकेर घर फिर्ता पठाएको छ । सोही कुराको बिरोधमा आज उपत्यकाका सबै बैंक बन्द गरिएको हो।

प्रकाशित मिति: बिहीबार, भदौ ४, २०७७ १३:५८