पेट्रोल प्रति लिटर १ सय ७ रुपैयाँ पुग्यो

अर्थ

गृहपृष्ठ
अर्थ
पेट्रोल प्रति लिटर १ सय ७ रुपैयाँ पुग्यो

पेट्रोल प्रति लिटर १ सय ७ रुपैयाँ पुग्यो

मंगलबार, भदौ १६, २०७७ बागेश्वरी पोस्ट

काठमाडौं । पेट्रोलको मूल्यमा २ रुपैयाँ वृद्धि भएको छ। नेपाल आयल निगमले सूचना जारी गर्दै पेट्रोलको मूल्य वृद्धि गरेको हो ।

भारतीय आयल कर्पोरेसनबाट पेट्रोलको मूल्य वृद्धि भएर आएका कारण प्रतिलिटर २ रुपैयाँका दरले पेट्रोलको मूल्य बढाइएको नेपाल आयल निगमले जानकारी दिएको छ । आज राति १२ बजेदेखि लागु हुनेगरी पेट्रोलको मूल्य प्रतिलिटर १ सय ७ रुपैयाँ कायम गरिएको छ ।

यसअघि काठमाडौं उपत्यकामा पेट्रोलको मूल्य प्रतिलिटर १ सय ५ रुपैयाँ रहेको थियो । निगम प्रवक्ता उपाध्यायका अनुसार डिजेल, ग्यास लगायतका अन्य इन्धनको मूल्यमा कुनै हेरफेर गरिएको छैन ।

प्रकाशित मिति: मंगलबार, भदौ १६, २०७७ २०:४५

प्रतिक्रिया दिनुहोस्