सशस्त्र प्रहरीद्वारा बाँकेको डुडुवाबाट १ लाखको अवैध फुटबल बुट बरामद

अर्थ

गृहपृष्ठ
अर्थ
सशस्त्र प्रहरीद्वारा बाँकेको डुडुवाबाट १ लाखको अवैध फुटबल बुट बरामद

सशस्त्र प्रहरीद्वारा बाँकेको डुडुवाबाट १ लाखको अवैध फुटबल बुट बरामद

शुक्रबार, असोज १६, २०७७ बागेश्वरी पोस्ट

नेपालगन्ज । सशस्त्र प्रहरीले भारतबाट नेपालगन्ज ल्याउदै गरिएको अवैध ठुलो परिमाणको फुटबल बुट बरामद गरेको छ।

सशस्त्र प्रहरीको कालाबन्जार बिओपीबाट खटि गएको टोलीले डुडुवा गाउँपालिका वडा नम्बर १ को नयाँ बस्तीबाट आज बिहान १ बजे भारतबाट ल्याइदै गरिएका अवैध फुटबल बुट बरामद गरेको हो। सशस्त्र प्रहरीको कालाबन्जार बिओपीबाट सशस्त्र प्रहरी नायब निरीक्षक भिम कठायतको कमान्डको गस्ती टोलीले भारतबाट ल्याउदै गरिएका १६२ जोर फुटबल बुट बरामद गरेको सशस्त्र प्रहरी बाँकेले जानकारी दिएको छ।

फुटबल बुट ल्याउन लागेका तस्करहरुले सशस्त्र प्रहरीलाई देख्ना साथ सामन फालेर भारत तर्फ भागेको सशस्त्र प्रहरीले जानकारी दिएको छ। बरामद गरिएका अवैध १६२ जोर फुटबल बुटको मूल्य १ लाख १३ हजार ४०० रुपैयाँ रहेको छ। बरामद गरिएका अवैध फुटबल बुटलाई आबश्यक कारबाहीका लागि नेपालगन्ज भन्सार पठाइएको सशस्त्र प्रहरीले जानकारी दिएको छ।

प्रकाशित मिति: शुक्रबार, असोज १६, २०७७ १३:१५

प्रतिक्रिया दिनुहोस्