नेपालगन्जमा मनपरी पार्किङ गरेका ४० मोटरसाइकलका हेल्मेट नियन्त्रणमा

अर्थ

गृहपृष्ठ
अर्थ
नेपालगन्जमा मनपरी पार्किङ गरेका ४० मोटरसाइकलका हेल्मेट नियन्त्रणमा

नेपालगन्जमा मनपरी पार्किङ गरेका ४० मोटरसाइकलका हेल्मेट नियन्त्रणमा

सोमबार, असोज २६, २०७७ बागेश्वरी पोस्ट

नियन्त्रणमा लिइएका हेल्मेट

नेपालगन्ज । जिल्ला ट्राफिक प्रहरी बाँकेले अब्यबस्थित रुपमा पार्किङ गरेका मोटरसाइकलका ३ दर्जन बढी हेल्मेट नियन्त्रणमा लिएको छ।

जिल्ला ट्राफिक प्रहरी बाँके,नेपालगन्ज ट्राफिक पोस्ट र ट्राफिक प्रहरी बसपार्कको संयुक्त टोलीले सोमबार दिउँसो नेपालगन्जका विभिन्न स्थानमा मनपरी तरिकाले पार्किङ गरिरहेका ४० वटा मोटरसाइकलका हेल्मेट नियन्त्रणमा लिएको जिल्ला ट्राफिक प्रहरी बाँकेले जानकारी दिएको छ। ट्राफिक प्रहरीले नेपालगन्ज यातायात कार्यालय, धम्बोजी चोक, त्रिभुवन चोक लगायतका स्थानबाट ४० वटा हेल्मेट नियन्त्रणमा लिएको हो।

नियन्त्रणमा लिएका हेल्मेटका धनीहरुलाई ५ सय रुपैयाँ जरिवाना लिएर हेल्मेट छोडिने ट्राफिक प्रहरी बाँकेले जानकारी दिएको छ। चाँँडपर्व नजिकिदै गर्दा जिल्ला ट्राफिक प्रहरी बाँकेले कडाइ गर्ने समेत जानकारी दिदै आउँदा सोमबार हेल्मेट नियन्त्रणमा लिएको हो भने अब मापसेसमेत जाँच गरिने ट्राफिक प्रहरीले जानकारी दिएको छ।

प्रकाशित मिति: सोमबार, असोज २६, २०७७ १६:२८