देशभर थपिए ४३९२ कोरोना संक्रमित, ३५२२ निको, २१ जनाको मृत्यु

समाचार

गृहपृष्ठ
समाचार
देशभर थपिए ४३९२ कोरोना संक्रमित, ३५२२ निको, २१ जनाको मृत्यु

देशभर थपिए ४३९२ कोरोना संक्रमित, ३५२२ निको, २१ जनाको मृत्यु

शुक्रबार, असोज ३०, २०७७ बागेश्वरी पोस्ट

नेपालगन्ज । नेपालमा पछिल्लो २४ घण्टामा ४ हजार ३९२ जना कोरोना संक्रमित थपिएका छन् । योसँगै नेपालमा कुल संक्रमितको संख्या १ लाख २६ हजार १३७ पुगेको छ ।

स्वास्थ्य तथा जनसंख्या मन्त्रालयको शुक्रबार आयोजित नियमित पत्रकार सम्मेलनमा प्रवक्ता डा. जागेश्‍वर गौतमले दिएको जानकारीका अनुसार पछिल्लो २४ घण्टामा थप ३ हजार ५२२ जना संक्रमित निको भएका छन् । अहिलेसम्म निको हुनेको संख्या ८८ हजार ४० पुगेको छ ।

शुक्रबारसम्म ४ हजार ८०८ जना क्‍वारेन्टाइनमा रहेका छन् भने ३७ हजार ३८२ जना आइसोलेसनमा रहेका छन् । पछिल्लो २४ घण्टामा १६ हजार ५३१ नमूनाको पिसीआर विधिबाट परीक्षण भएको छ भने आजसम्म कुल १२ लाख ५४ हजार ४९० नमूनाको पिसीआर परीक्षण सम्पन्‍न भएको छ ।

थप २१ जनाको कोरोनाका कारण ज्यान गएसँगै हालसम्म कोरोनाका कारण ज्यान गुमाउनेको संख्या ७१५ पुगेको मन्त्रालयले जनाएको छ ।

प्रकाशित मिति: शुक्रबार, असोज ३०, २०७७ १६:३०

प्रतिक्रिया दिनुहोस्