२९ लाखसहित नेपालगन्जको जुवाखालबाट १० जना पक्राउ

अर्थ

गृहपृष्ठ
अर्थ
२९ लाखसहित नेपालगन्जको जुवाखालबाट १० जना पक्राउ

२९ लाखसहित नेपालगन्जको जुवाखालबाट १० जना पक्राउ

बिहीबार, कात्तिक १३, २०७७ बागेश्वरी पोस्ट

जिल्ला प्रहरी कार्यालय बाँके

नेपालगन्ज । जिल्ला प्रहरी कार्यालय बाँकेले नेपालगन्जबाट २९ लाख रुपैयाँसहित १० जनालाई पक्राउ गरेको छ। बाँके प्रहरी प्रमुख एसपी ओम बहादुर रानाको कमान्डको टोलीले गए राती नेपालगन्ज वडा नम्बर ४ स्थित एक जना पुर्व प्रहरीको घरमा जुवा खेलिरहेको अवस्थामा १० जनालाई २९ लाखसहित पक्राउ गरेको जिल्ला प्रहरी बाँकेले जानकारी दिएको छ।

बिशेष सूचनाका आधारमा जुवातास भईरहेको स्थानमा गएर एसपी राना र वडा प्रहरी कार्यालय बाँकेबाट खटिएको प्रहरी टोलीले २९ लाख ४८ हजार ७०० रुपियाँ सहित पक्राउ गरेको हो । पक्राउपर्नेमा नेपालगन्जका प्रतिष्ठित ब्यवसायसी समेत रहेका छन् ।

पक्राउ पर्नेमा नेपालगन्जका सन्तोष थापा, पब्लु भण्डारी, कृष्णवहादुर सुवेदी, मेघनाथ कुचबन्दिया, टोपवहादुर शाही लगायत अन्य ५ जना रहेका छन् । जिल्ला प्रहरी कार्यालय बाँकेका अनुसार पक्राउ परेका ब्यक्तिहरुलाई जुवा ऐन अनुसार कारबाही हुने भएको छ।