नेपालगन्जमा अनलाइन बिजिनेश फेस्टिबल हुँदै

अर्थ

गृहपृष्ठ
अर्थ
नेपालगन्जमा अनलाइन बिजिनेश फेस्टिबल हुँदै

नेपालगन्जमा अनलाइन बिजिनेश फेस्टिबल हुँदै

शनिबार, माघ २४, २०७७ बागेश्वरी पोस्ट

नेपालगन्ज । नेपालगन्जमा अनलाइन बिजिनेस फेस्टिबल आयोजना हुने भएको छ ।

मिठो छ फुड प्रालिको आयोजनामा फेस्टिबल हुन लागेको हो । आयोजकले आज नेपालगन्जमा पत्रकार सम्मेलन गर्दै आगामी माघ २९ गतेदेखि फाल्गुण १ गतेसम्म नेपालगन्जस्थित बाटिका होटल परिसरमा फेष्टिबल आयोजना गर्न लागेको जानकारी दिएको छ ।

फेस्टिबलको मुख्य आकर्षणमा अनलाइन बिजिनेश सम्बन्धि जानकारीहरु, बिभिन्न परिकार पाइने स्टलहरु, सांगीतिक प्रस्तुतिहरु, स्टेण्डप कमेडीहरु लगायत रहेको आयोजक संस्थाका प्रमुख सौभाग्यजंग शाहले जानकारी दिनुभयो । यस प्रकारको फेस्टिबल नेपालमै पहिलो भएको प्रमुख शाहको दाबी छ । शाहले यो फेस्टिबल नेपालगन्जमा रहेका सम्पूर्ण अनलाइन बिजिनेशहरुको प्लेटफर्म भएको समेत बताउनुभयो ।

कोभिड–१९ महामारीका कारण संसारका हरेक क्षेत्र पछाडि परिरहेको अवस्थामा यस्ता किसिमका फेस्टिबलको आयोजनाले केही मात्रामा भएपनि सबैलाई राहत पु¥याउने आयोजकले बिश्वास लिएको छ ।

फेस्टिबलको मिडिया पार्टनरमा बागेश्वरी टेलिभिजन रहेको छ ।

प्रकाशित मिति: शनिबार, माघ २४, २०७७ २०:३१

प्रतिक्रिया दिनुहोस्