नेपालगञ्जमा बाटिका आर्ट ग्यालरी सञ्चालन

अर्थ

गृहपृष्ठ
अर्थ
नेपालगञ्जमा बाटिका आर्ट ग्यालरी सञ्चालन

नेपालगञ्जमा बाटिका आर्ट ग्यालरी सञ्चालन

बिहीबार, माघ २९, २०७७ बागेश्वरी पोस्ट

नेपालगञ्ज । नेपालगञ्जमा आजदेखि बाटिका आर्ट ग्यालरी सञ्चालनमा आएको छ । आर्ट ग्यालरीको नेपालगञ्ज उपमहानगरपालिकाका मेयर डा. धवल शमशेर राणा र होटल बाटिकाका प्रबन्ध निर्देशक शिवाङ्गिनी राणाले संयुक्तरुपमा उद्घाटन गर्नुभयो ।

होटल बाटिकामै आर्ट ग्लालरी सञ्चालनमा ल्याइएको हो । कला संस्कृतिको जगेर्ना गर्ने उद्देश्यले आर्ट ग्यालरी सञ्चालनमा ल्याइएको प्रबन्ध निर्देशक राणाले बताउनुभयो । स्पेनमा आर्ट सम्बन्धि अध्ययन गर्नुभएकी राणाले सानैदेखि आर्टमा रुची भएकाले यसलाई व्यवसायकै रुपमा अघि बढाउने प्रयास गरेको बताउनुभयो । ग्यालरीमा निःशुल्क अवलोकन गरी कलाबारे बुझ्नुका साथै आफूलाई मन परेमा खरिद गर्न सकिनेछ ।

ग्यालरीमा राणाको आर्टका अलाबा स्थानीय कलाकारहरुको आर्ट पनि राखिनेछ । ग्यालरी विहान ११ बजेदेखि राति ८ बजेसम्म सञ्चालनमा आउनेछ । काठमाण्डौ बाहिर पाहिलोपटक आफूले नेपालगञ्जमा आर्ट ग्यालरी सञ्चालनमा ल्याएको राणाको दाबी छ । राणाले आफ्ना कलाहरु न्यूनतम् ५ हजार रुपैयाँदेखि अधिकतम् ४ लाख ५० हजारसम्म विक्रि भएको बताउनुभयो ।