तुलसीपुर उद्योग बाणिज्य संघको अध्यक्षमा चालिसे निर्वाचित

अर्थ

गृहपृष्ठ
अर्थ
तुलसीपुर उद्योग बाणिज्य संघको अध्यक्षमा चालिसे निर्वाचित

तुलसीपुर उद्योग बाणिज्य संघको अध्यक्षमा चालिसे निर्वाचित

आइतबार, फागुन २, २०७७ बागेश्वरी पोस्ट

दाङ । तुलसीपुर उद्योग बाणिज्य संघको अध्यक्षमा रामप्रसाद चालिसे निर्वाचित हुनुभएको छ । चालिसे ३४ मत अन्तरले विजयी हुनुभएको हो । चालिसेले ८ सय २९ मत प्राप्त गर्दा उहाँका प्रतिद्वन्दी टेकनप्रसाद बस्नेत (हिमाल) ले ७ सय ९५ मत प्राप्त गर्नुभयो । चालिसेलाई नेकपा र बस्नेतलाई कांग्रेसको समर्थन थियो ।

त्यस्तै उद्योग उपाध्यक्षमा काँग्रेस निकट प्रजातान्त्रिक प्यानलका ललितजंग शाह बिजयी हुनुभएको छ । शाहले ८ सय ६० मत ल्याउँदा उहाँका प्रतिद्वन्दी यज्ञबहादुर केसीले ७ सय १८ मत प्राप्त गर्नुभयो । बाणिज्य उपाध्यक्षमा बामपन्थी प्यानलका मिनराज भण्डारी ९ सय ७१ मत ल्याई विजयी हुनुभएको छ । उहाँका प्रतिद्वन्दी प्रजातान्त्रिक प्यानलका गोकर्ण गिरीले ६ सय ३ मत पाउनुभयो । त्यस्तै खुल्ला उपाध्यक्षमा बामपन्थी प्यानलकै रुपबहादुर खत्री ८ सय ५६ मत प्राप्त गरी बिजयी हुँदा प्रतिद्वन्दी प्रजातान्त्रिक प्यानलका तुलसीराम न्यौपानेले ६ सय ९२ मत प्राप्त गर्नुभयो ।

महासचिव पदमा भने प्रजातान्त्रिक प्यानलका बिनिल केसी निर्वाचित हुनुभएको छ । प्रतिद्वन्दी केशब केसीले ५ सय ७ मत प्राप्त गर्नुभयो । त्यस्तै संघको सचिवमा खुशलराम शर्मा निर्वाचित भएका छन् । शर्माले ६ सय २२ मत प्राप्त गर्नुभएको छ । कोषाध्यक्ष पदमा देबबहादुर केसी १ हजार ५५ मत प्राप्त गरी विजयी हुनुभएको छ । पदाधिकारी मध्ये सहकोषाध्यक्ष पदमा प्रजातान्त्रिक प्यानलका कमल गौतम ७ सय ३३ मत प्राप्त गरी निर्वाचित हुनुभएको निर्वाचन संयोजक प्रबिण लम्सालले जानकारी दिनुभयो ।

कुल १ हजार ८ सय ११ मतदाता मध्ये १ हजार ६ सय ५९ मत खसेको थियो । संघको नयाँ नेतृत्व चयन गर्न हिजो मतदान भएको थियो ।

प्रकाशित मिति: आइतबार, फागुन २, २०७७ १४:३८

प्रतिक्रिया दिनुहोस्