सडक अतिक्रमण गर्नेलाई नेपालगञ्ज उपमहानगरले कडा कारबाहीको अभियान थाल्यो

अर्थ

गृहपृष्ठ
अर्थ
सडक अतिक्रमण गर्नेलाई नेपालगञ्ज उपमहानगरले कडा कारबाहीको अभियान थाल्यो

सडक अतिक्रमण गर्नेलाई नेपालगञ्ज उपमहानगरले कडा कारबाहीको अभियान थाल्यो

शुक्रबार, मंसिर ६, २०७६ बागेश्वरी पोस्ट

फोटो : भोजराज शर्मा( नादिर)

नेपालगञ्ज । नेपालगञ्ज उपमहानगरपालिकाले सडक अतिक्रमण गरी व्यापार व्यवसाय गर्नेलाई कडा कारवाही गर्न शुरु गरेको छ । अतिक्रमणका कारण सवारी दुर्घटना बढेका छन् भने हिडडुल गर्न मुस्किल भएको छ ।

शहर नै कुरुप बनाउने यस्तो कार्यका बिरुद्धमा सामान्य कारवाही गर्दा व्यवसायीहरुले नटेरेपछि धमाधम कडा कारवाही शुरु गरिएको हो । सडक अतिक्रमण गरी राखिएका सामान हटाउन नेपालगञ्ज उपमहानगरपालिकाले व्यवसायीलाई समय दिएको प्रमुख प्रशासकिय अधिकृत हरि प्याकुरेलले बताए ।

व्यवसायीले मौका पाउन भनेर समय दिएको तर उक्त समयमा पनि सामान नहटाए नियन्त्रणमा लिने उपमहानगरको स्पष्ट नीति छ । अब पहिले जस्तो जफत गरिएको सामान जरिवाना तिरेपछि फिर्ता नहुने प्याकुरेले बताए । नेपालगञ्ज उपमहानगरपालिका वडा नं १ का अध्यक्ष प्रमोद रिजाल आफै सडक अतिक्रमण हटाउन जुटेका छन् ।

सडक दुर्घटना बढाउने र शहरलाई कुरुप बनाउने यस्ता काम नगर्न व्यवसायीलाई आग्रह गर्दै हिडेका अध्यक्ष रिजालले अब भने कडाई नगरी नहुने अवस्था आएको उल्लेख गरेका छन् ।

प्रकाशित मिति: शुक्रबार, मंसिर ६, २०७६ ११:३९

प्रतिक्रिया दिनुहोस्