बाँकेमा स:मिल छापा प्रकरण: छोडपुर्जी बिना अर्को जिल्लाबाट कसरी आइपुग्यो!

अर्थ

गृहपृष्ठ
अर्थ
बाँकेमा स:मिल छापा प्रकरण: छोडपुर्जी बिना अर्को जिल्लाबाट कसरी आइपुग्यो!

बाँकेमा स:मिल छापा प्रकरण: छोडपुर्जी बिना अर्को जिल्लाबाट कसरी आइपुग्यो!

शनिबार, मंसिर ७, २०७६ बागेश्वरी पोस्ट

बाँके ।बाँकेको बैजनाथ गाउँपालिका वडा नम्बर ६ मा रहेको न्यु कोहलपुर स:मिल शुक्रवार छापा मार्दा भेटिएको ठूलो परिमाणको अबैध सालको काठ शनिबार दिनभरी नापी गर्दा पनि अझै पूरा नापजाँच गरेर सकिएको छैन ।

शुक्रवार र शनिबार दुई दिन नापी गरि लिईएको लगत अनुसार उक्त काठको स्थानीय बजार मूल्य ३५ लाख बढिको पाईएको छ । मिलमा कागजात (छोडपुर्जी) बिनाको र बिना टाँचाको काठ भेटिएको कोहलपुर सब डिभिजन वन कार्यालयका वन अधिकृत राम कुमार चौधरीले बताए। उनले भने, ‘छापा मार्दा भेटिएको काठको छोडपुर्जी पनि छैन काठमा कुनै टाँचा पनि छैन ।’ यति ठूलो परिमाणमा अबैध काठ कहाँबाट र कसरी मिल सम्म आईपुग्यो अनुसन्धान पछि खुल्ने उनले बताए । शुक्रबारबाट नापि गरेर लगत लिन खोजिए पनि शनिबारसम्म नापजाँच गर्दा अझै पूरा नापी लगत लिन नसकिएको डिभिजन वन कार्यालय बाँकेका वन अधिकृत रमेश बुढाथोकिले बताए ।

‘बरामद काठ शुक्रवार र शनिबार नापी गर्दा पनि अझै सकिएन, बाँकि रहेको काठको नापी लगत भोलि सम्म सकिएला ।’ – उनले भने । उनका अनुसार आज शनिबार सयौं थान गोलिया र सयौं थान चिरान काठ नापी गरेर लगत लिईएको छ । शनिबार नापी गरिएको २ सय ७८ थान गोलियाको परिमाण ६५५।१८ क्युफिट र ५२९ थान चिरानको ३३३।८९ क्युफिट परिमाण निस्केको वन अधिकृत बुढाथोकीले बताए । बुढाथोकीका अनुसार शनिबार नापी गरिएको काठको स्थानीय बजार मुल्य २५ लाख बढी रहेको छ । शुक्रबार नापि गरिएको चिरान काठ ३३० थान रहेको र उक्त चिरान काठको परिमाण १९३।९८ क्यु फुट रहेको थियो त्यस काठको मात्रै स्थानीय बजार मुल्य झण्डै १० लाखको रहेको थियो । काठको पुरै नापी लगत लिएर अझै नसकिएको हुनाले के कति परिमाणको काठ हो भन्ने अझै भन्न नसकिने र पक्राउ परेका व्यक्तीसङ्ग बयान लिएपछी मात्र सबै कुरा खुल्ने डिभिजन वन कार्यालय बाँकेका निमित्त डिभिजनल वन अधिकृत गणेश खड्काले बताए ।

‘काठको नापी लगत लिने कार्य जारी छ, बरामद पुरा काठको लगत लिइसकेपछी र पक्राउ परेका व्यक्ति सङ्गको सोधपुछ पछि मात्र सबै कुरा खुल्ने छ, अहिले हामी गहिरो अनुसन्धान गर्दैछौं, यस कार्यमा जो जो सङ्लग्न छन सबैलाई कानुन अनुसार कारवाही गर्छौं ।’ – उनले भने । यति ठूलो परिमाणको अबैध काठ समिल सम्म कसरी छोडपुर्जी बिना आईपुग्यो आश्चर्यको बिषय बनेको छ । एक जिल्लाबाट अर्को जिल्लासम्म काठ निर्यात गर्दा काठ बोक्ने गाडीमा शिल भएको हुनुपर्छ, कागजात (छोडपुर्जी)मा दरपीठ भएको हुनुपर्छ ।

सम्बन्धित वन कर्मचारीले काठमा टाँचा छ कि छैन ? सहि घाटगद्दिबाट काठ उठेको छ कि छैन रु जस्ता कुराहरु निर्क्यौल गरेर सम्बन्धित जिल्लाको स्थानान्तरण सहमतिबाट मात्र काठ आयातरनिर्यात हुने गर्दछ। बाँकेको बैजनाथ गाउँपालिका वडा नम्बर – ६, एच गाउँमा रहेको न्यु कोहलपुर समिल (काठ चिर्ने मिल) मा शुक्रवार दिउँसो डिभिजन वन कार्यालय बाँके र ईलाका प्रहरी कार्यालय कोहलपुरको संयुक्त टोलीले छापा मारी ठूलो परिमाणमा अबैध सालको काठ बरामद गर्नुका साथै एक व्यक्ती समेत पक्राउ गरेको थियो ।

प्रकाशित मिति: शनिबार, मंसिर ७, २०७६ २२:१४

प्रतिक्रिया दिनुहोस्