पानीको झरीले बाँकेका ईट्टा ब्यवसायीहरु मर्कामा

अर्थ

गृहपृष्ठ
अर्थ
पानीको झरीले बाँकेका ईट्टा ब्यवसायीहरु मर्कामा

पानीको झरीले बाँकेका ईट्टा ब्यवसायीहरु मर्कामा

शनिबार, मंसिर २८, २०७६ बागेश्वरी पोस्ट

नेपालगन्ज । बाँकेका ईट्टा ब्यवसायीहरु पानीको झर्ले मारमा परेका छन । शुक्रवार बिहानदेखि पुरै दिन भर परेको झरीले ईट्टा ब्यवसायीहरु ९ करोड बढीको नोक्सानी व्यहोर्नु परेको बाँकेका ईट्टा व्यवसायी दीपक अधिकारी बताएका छन् ।

वर्षातले बाँकेका ५२ र बर्दियाका १८ गरी ७० ईट्टा व्यवसायीका अनुमानित सात करोड बढी काँचो ईट्टा काम नलाग्ने गरी नष्ट पारेको अधिकारीले जानकारी दिए । एउटै व्यवसायीको पकाउन राखिएका १० लाखसम्म ईट्टा गलेर काम नलाग्ने भएका छन् ।

उनका अनुसार शुक्रबारको वर्षाले प्रत्येक ईट्टा व्यवसायीको २० लाखका दरले क्षती भएको अनुमान छ । यो वर्षातमा सात करोड ईट्टा नष्ट भएकोले अर्को पटक ईट्टा उत्पादन नहुँदासम्म ईट्टा अभावको सम्भावना देखिएको व्यवसायीले बताए । ईट्टा उत्पादकले सिजनमा सात राउण्डसम्म ईट्टा उत्पादन गर्ने गरेका छन् ।

‘एक पटकमा ६ देखि दश लाखसम्म इट्टा तयार पारिने संघका कार्यालय सचिव सुर्यमणी पौडेलले बताए । ईट्टा व्यवसायीले ठूलो नोक्सानी व्यहोर्नु पर्ने कारण विमा गर्न नपाउनु रहेको ईट्टा व्यवसायी संघ बाँकेका अध्यक्ष जैनुल खाँले बताए । शुक्रबारको बर्षातले बाँकेका धेरैजसो ईट्टा उद्योगका काँचो ईट्टाहरू गलेर नष्ट भएका छन् ।

प्रकाशित मिति: शनिबार, मंसिर २८, २०७६ १०:११

प्रतिक्रिया दिनुहोस्