बाँकेका ट्राभल एजेन्सीहरुद्वारा श्री एअरलाइन्सको टिकट काट्न बन्द

अर्थ

गृहपृष्ठ
अर्थ
बाँकेका ट्राभल एजेन्सीहरुद्वारा श्री एअरलाइन्सको टिकट काट्न बन्द

बाँकेका ट्राभल एजेन्सीहरुद्वारा श्री एअरलाइन्सको टिकट काट्न बन्द

आइतबार, मंसिर २९, २०७६ बागेश्वरी पोस्ट

नेपालगञ्ज । बाँकेका ट्राभल एजेन्सीहरुले श्री एअरलाइन्सको टिकट काट्न बन्द गरेका छन् । सुरुवाती समयमा अन्य एअरलाइन्स भन्दा राम्रो कमिशन दिएको श्रीले ‘पिकअप’ लिएपछि कमिशन घटाउँदा बाँकेका ट्राभल एजेन्सीहरु रुष्ट बनेका थिए ।

अन्य एअरलाइन्ससंग मिलेर कमिशन घटाएको श्रीको ध्यानाकर्षण गराउँदै ज्ञापनपत्र बुझाइएपनि सुनुवाई नभएपछि ट्राभल एजेन्सीहरुले गत विहीबारदेखि अनिश्चितकालका लागि टिकट काट्न बन्द गरेका हुन् । ‘श्रीको व्यवसाय प्रबद्र्धनमा हामीले सहयोगी भूमिका खेल्यौं, सुरुमा बुद्ध र यति भन्दा राम्रो कमिशन दिएपछि हामीले पनि सपोर्ट गरेको हो तर श्रीको व्यवस्थापन पक्ष अनुत्तरदायी हुँदै हामीलाई बेवास्ता गरेर दिँदै आएको कमिशन पनि घटाएपछि २६ मंसिरदेखि हामीले उसको टिकट काट्न बन्द गरेका छौं,’ नेपाल एशोसियसन अफ ट्राभल एण्ड टुर्स एजेन्ट्स (नाटा) बाँकेका अध्यक्ष श्रीराम सिग्देलले भन्नुभयो ।

नाटाको प्रदेश र केन्द्रसंग समन्वय गरेर टिकट काट्न बन्द गरिएको बताउँदै अध्यक्ष सिग्देलले कसैले नाटाको निर्णय विपरित टिकट काटेको पाइए ५ हजार रुपैयाँ जरिवाना हुने बताउनुभयो । उहाँले यो आन्दोलन अन्य एअरलाइन्स विरुद्ध पनि भएको भन्दै अहिले यात्रुलाई मर्का नपरोस् भनेर ट्राभल एजेन्सीहरुप्रति पछिल्लो समय बढी अनुदार देखिएको श्रीको टिकट काट्न बन्द गरिएको जानकारी दिनुभयो ।

प्रकाशित मिति: आइतबार, मंसिर २९, २०७६ १५:३८

प्रतिक्रिया दिनुहोस्