नेपालगन्ज मेडिकल कलेजले औषधी बिक्रीमा सिण्डिकेट लगायो: औषधी ब्याबसायी

अर्थ

गृहपृष्ठ
अर्थ
नेपालगन्ज मेडिकल कलेजले औषधी बिक्रीमा सिण्डिकेट लगायो: औषधी ब्याबसायी

नेपालगन्ज मेडिकल कलेजले औषधी बिक्रीमा सिण्डिकेट लगायो: औषधी ब्याबसायी

बिहीबार, पुस ३, २०७६ बागेश्वरी पोस्ट

नेपालगन्ज ।नेपालगन्ज मेडिकल कलेजले औषधि खरीद बिक्रिमा सिण्डिकेट लगाउन खोजेकोले नेपालगन्जका औषधि ब्यवसायीहरुले आक्रोश पोखेका छन् ।

नेपालगन्ज मेडिकल कलेजले लागु गरेको नितिले सेवाग्राहीको स्वतन्त्रता खोसिएको भन्दै औषधि ब्यवसायीहरुले आन्दोलनको चेतावनी दिएका छन । अस्पतालको सिन्डीकेटले फार्मेसी मात्र होइन स्वयं विरामी समेत मर्कामा परेको भन्दै औषधि ब्यवसायीहरुले चरणवद्ध आन्दोलनको चेतावनी दिएका छन ।

बिहिबार एक विज्ञप्ती जारी गर्दै नेपाल औषधि ब्यवसायी संघ बाँके जिल्ला शाखाले अस्पतालले निर्णय पुर्नविचार नगरे चरणबद्धरुपमा आन्दोलन गर्ने चेतावनी दिएको हो । नेपाल औषधि ब्यवसायी संघ बाँके जिल्ला शाखा अध्यक्ष बसन्त शर्माले जारी गरेको विज्ञप्तीमा अस्पताल प्रशासनले लगाएको नियमप्रति पुनविचार गर्न आग्रह समेत गरिएको छ ।

केही महिनायता अस्पतालको प्रत्येक वार्डमा औषधि पसल संचालनमा ल्याएतापनि पौष १ गतेदेखी बिरामीलाई जबर्जस्ती भित्रकै औषधि पसलबाट औषधि खरिद गर्न बाध्य पारिएको नेपाल औषधि व्यवसायी संघ भेरी अञ्चल अध्यक्ष अभय बस्नेतले बताए । ‘पौष १ गतेबाट ओपिडी बाहेकका जनरल वार्ड, आईसियु लगाएतका बिभागमा भर्ना भएका बिरामीलाई भित्रकै पसलबाट जबर्जस्ती रुपमा औषधि खरिद गर्न लगाईएको छ, यो अस्पतालको सिन्डिकेट हो’ अञ्चल अध्यक्ष बस्नेतले भने, ‘अस्पताल वरिपरि लगभग ५० मेडिकल रहेका छन, बिरामीलाई स्वस्फूर्त रुपमा औषधि खरिद गर्न नदिदा बाहिरका मेडिकल पसल सुकेका छन ।’

औषधि व्यवसायीले अस्पतालले वार्ड भित्र संचालनमा ल्याएको पसलहरु दर्ता बिनाका भएको बताएका छन । व्यवसायीका अनुसार बाहिरका मेडिकल पसलवाला अस्पताल भित्र जाँदा सुरक्षागार्डले गेटबाटै ‘दलाल’ भित्र पस्न मनाही छ भनेर फर्काउने गरेको दुखेसो पोखे ।

प्रकाशित मिति: बिहीबार, पुस ३, २०७६ २२:२७