नेपालगन्जको बृटिस स्कुलमा फुड फेस्टिबल

अर्थ

गृहपृष्ठ
अर्थ
नेपालगन्जको बृटिस स्कुलमा फुड फेस्टिबल

नेपालगन्जको बृटिस स्कुलमा फुड फेस्टिबल

शुक्रबार, पुस ४, २०७६ बागेश्वरी पोस्ट

नेपालगन्ज । नेपालगन्जको बृटिस स्कुलमा फुड फेस्टिबल कार्यक्रम गरिएको छ। विद्यार्थीहरुका लागि कापी र कलम मात्रै नभएर अन्य ब्याबहारिक ज्ञान समेत दिने उदेश्यले बिधालयमा फुड फेस्टिबल गरिएको प्रधानाध्यापक हेमन्त राज काफ्लेले बताए।

बिधालयमा आयोजना गरिएको उक्त फुड फेस्टिबलमा ६ देखि १० कक्षासम्मका विधार्थीहरुले भाग लिएका थिए । बिद्यालयको अतिरिक्त क्रियाकलाप अन्तर्गत वार्षिक क्यालेण्डर अनुसार आयोजित सोही फेस्टिबलमा विद्यार्थीहरुले भेज बिरयानी पकौडा, पुरी अचार, खिर, चटपट , पानी पुरी आलु चार्ट जस्ता परिकारहरु तयार गरेर बिक्री वितरण गरेका थिए ।

विद्यार्थीले तयार गरेका परिकारहरुको स्वाद लिदै अभिभावकले प्रसंशा गरेका थिए ।अभिभावकको उल्लेख्य उपस्थित रहेको कार्यक्रममा विविध सास्कृतिक प्रस्तुती पनि देखाईएको थियो । यो अवसर बालबालिकाको लागि उत्सब र महोत्सव पनि हो र खानाका परिकार बनाउन सिक्ने उनीहरुको मौका समेत रहेको बिधालयका अध्यक्ष निरज शाहले बताए ।

हामिले बजारमा थुप्रै चिजहरु किनेर खाएका थियौ तर आफैले बनाउन पाउँदा निकै खुसी लागेको विद्यार्थी सङम पौडेलले बताए। यसबाट हामिले ब्यापार भनेको केहो र ब्यापार कसरी गर्न सकिन्छ भन्ने कुरा सिकेको उनले बताए। उक्त फुड फेस्टिबलको संयोजन विद्यार्थीहरुले आफै गरेको बिधालय शिक्षिका रेखा शाहले जानकारी दिईन।

प्रकाशित मिति: शुक्रबार, पुस ४, २०७६ १६:४७

प्रतिक्रिया दिनुहोस्