कालो बजारी बिरुद्ध खरो रुपमा उत्रदै एसएपी थापा, उपभोक्त ठगी गर्ने ब्यापारीलाई थाले कारबाही

अर्थ

गृहपृष्ठ
अर्थ
कालो बजारी बिरुद्ध खरो रुपमा उत्रदै एसएपी थापा, उपभोक्त ठगी गर्ने ब्यापारीलाई थाले कारबाही

कालो बजारी बिरुद्ध खरो रुपमा उत्रदै एसएपी थापा, उपभोक्त ठगी गर्ने ब्यापारीलाई थाले कारबाही

शुक्रबार, पुस १८, २०७६ बागेश्वरी पोस्ट

एसएसपी शहकुल बहादुर थापा

काठमाडौं । उपभोक्ता ठगी गरेको आरोपमा महानगरीय अपराध महाशाखा काठमाडौंले एक जना ब्यापारीलाई पक्राउ गरेको छ। अपराध महाशाखाले ठगी गरेको आरोपमा महेन्द्र साडालाई पक्राउ गरेको हो। तारको ‘रोल’मा मिटर नै घटेको भन्दै पीडितले उजुरी दिएपछि महानगरीय अपराध अनुसन्धान महाशाखाको टोलीले छापा मारेको हो ।

उनलाई थापाथली स्थित कार्यालयबाट शुक्रवार पक्राउ गरिएको हो। महाशाखाका प्रमुख एसएसपी शहकुल बहादुर थापाका अनुसार इलेक्ट्रोनिक्स केबुलको परिमाण भन्दा कम लम्बाई राखेर समान बिक्रि वितरण गरेको आरोपमा साडालाई पक्राउ गरिएको हो। उनको थापाथली स्थित अधिकृत बिक्रेताको कार्यालयमा समेत प्रहरीले सिलबन्दी गरेको छ।

एसएसपी शहकुल बहादुर थापा " एक रोलमा एक सय मिटर हुनुपर्नेमा कम्पनी बाट ५ देखि २० मिटरसम्म कम परिमाण राखेर प्याकेट तयार गरेको पाइयो," एसएसपी थापाले भने। हामिलाई केही उजुरी आएका थिए, त्यसको अनुसन्धान गर्दा शुक्रवार साडालाई पक्राउ गरिएको थापाले बताए।

प्रहरीले स्याम्पलको रुपमा अधिकृत बिक्रेताको कार्यालयबाट ६ थान प्याकेट समेत रोल समेत बरामद गरेको छ।साडा मोरङको टंकीसिनुबारी स्थित पायोनियर इलेक्ट्रेकका सन्चालक हुन् ।पक्राउ परेका साडालाई ठगीको मुद्दा चलाइने भएको छ।

प्रकाशित मिति: शुक्रबार, पुस १८, २०७६ २३:५८

प्रतिक्रिया दिनुहोस्