सन् २०२० सगै एनआइसी एसियाले ल्यायो नयाँ न्यू सुपर चमत्कारिक योजना

अर्थ

गृहपृष्ठ
अर्थ
सन् २०२० सगै एनआइसी एसियाले ल्यायो नयाँ न्यू सुपर चमत्कारिक योजना

सन् २०२० सगै एनआइसी एसियाले ल्यायो नयाँ न्यू सुपर चमत्कारिक योजना

बुधबार, पुस २३, २०७६ बागेश्वरी पोस्ट

नेपालगञ्ज । एनआइसी एसिया बैंकले सन् २०२० को सुरुवातसंगै न्यू सुपर चमत्कारिक निक्षेप योजना ल्याएको छ ।

बैंकले सर्वाधिक उच्च प्रतिफलको साथमा चमत्कारिक फाइदाहरु समेटी उत्कृष्ट विमा सुरक्षा योजना, कर्जाको व्याजदर तथा प्रशासनिक शुल्कमा विशेष छुट, निःशुल्क होम बैंकिङ्ग सुविधा, निःशुल्क लकर सुविधा, देशभरका कुनै पनि बैंकको कुनै पनि एटिएमबाट रकम झिक्दा शुल्क नलाग्ने लगायतका ३० चमत्कारिक फाइदा सहित न्यू सुपर चमत्कारिक निक्षेप योजनाहरु सञ्चालनमा ल्याएको हो ।

उपप्रादेशिक कार्यालय नेपालगञ्जले आज पत्रकार सम्मेलन गरेर बैंकले यस योजना अन्तर्गत् खाता खोल्ने ग्राहकले २१ लाखसम्मको विमा सुविधा प्राप्त गर्न सक्ने बताएको छ । यस सुविधा अन्तर्गत् खातावालाको दुर्घटनाबाट मृत्यु भएमा वा पूर्णरुपमा अशक्त भएमा १० लाखसम्मको विमा सुविधा, १८ घातक रोगहरुको लागि १० लाख सम्मको विमा सुविधा र १ लाखसम्मको औषधि उपचार विमा प्राप्त गर्ने कार्यालय प्रमुख माधव बेल्बासेले जानकारी दिनुभयो ।

त्यस्तै बहिरंग उपचारमा २० हजार र अस्पताल भर्ना बाफत् ८० हजार रुपैयाँ विमा सुविधा प्रदान गर्ने बैंकले जनाएको छ । ग्राहकले आफू अनुकुल हुने र इच्छाइएको रकम बचत गर्नका लागि सिल्भर, गोल्ड र डायमण्ड खाता खोल्न सक्ने सुविधा ल्याएको छ । यी तीनै खातामा बार्षिक ६.५ प्रतिशत ब्याजदरको सुविधा छ ।

बैंकले सुपर चमत्कारिक बचत खातामा २ लाख भन्दा बढी रकम भएमा उक्त बढी रकमलाई १० हजारले गुणन गर्ने गरी तीन महिनाको मुद्दती निक्षेपमा स्वतः रकमान्तर गरेर ९.७५ प्रतिशतसम्मको व्याजदर प्रदान गर्ने बेल्बासेले बताउनुभयो ।

प्रकाशित मिति: बुधबार, पुस २३, २०७६ १७:४४

प्रतिक्रिया दिनुहोस्