नेपालगञ्जमा राष्ट्र बैंक अगाडि उद्योगी व्यवसायीको धर्ना

अर्थ

गृहपृष्ठ
अर्थ
नेपालगञ्जमा राष्ट्र बैंक अगाडि उद्योगी व्यवसायीको धर्ना

नेपालगञ्जमा राष्ट्र बैंक अगाडि उद्योगी व्यवसायीको धर्ना

शुक्रबार, असोज ७, २०७९ बागेश्वरी पोस्ट

नेपालगञ्ज । नेपालगञ्जका उद्योगी व्यवसायी आन्दोलित भएका छन् । नेपालगञ्ज उद्योग बाणिज्य संघको अगुवाईमा उद्योगी व्यवसायीले आज विहान राष्ट्र बैंक अगाडि एक घण्टा धर्ना दिएका छन् ।

नेपाल राष्ट्र बैंकको पछिल्लो नीति र चर्को ब्याजदर विरुद्ध उनीहरु आन्दोलित भएका हुन् । राष्ट्र बैंकले कारोबारको २० देखि २५ प्रतिशत लगानी गर्ने नीति ल्याएपछि उद्योगी व्यवसायीहरु आन्दोलनमा उत्रिएका हुन् । नेपालगञ्ज उद्योग बाणिज्य संघका अध्यक्ष अब्दुल वाहिद मन्सुरी 'चुन्ना'ले व्यवसायीलाई सहज हुने गरी राष्ट्र बैंकले नीति संशोधन गर्नुपर्ने बताए ।

उनले ऋण असुलीको नाममा बैंकहरुले व्यवसायीहरुलाई सात दिने सूचना पठाएर आतंकित पार्ने काम गरिरहेकाले आफूहरु आन्दोलित भएको बताए । महासचिव चिरञ्जिबी वलीले अर्थतन्त्रमा नकारात्मक असर पर्ने गरी गरिएको व्याजदर बढाउने निर्णय तत्काल स्थगन गर्न माग गरे ।

प्रकाशित मिति: शुक्रबार, असोज ७, २०७९ १४:३२