लुम्बिनीका जिल्ला समन्वय समितिमा कांग्रेस पहिलो

राजनीति

गृहपृष्ठ
राजनीति
लुम्बिनीका जिल्ला समन्वय समितिमा कांग्रेस पहिलो

लुम्बिनीका जिल्ला समन्वय समितिमा कांग्रेस पहिलो

आइतबार, असार ५, २०७९ बागेश्वरी पोस्ट

नेपालगञ्ज । लुम्बिनी प्रदेशका १२ वटै जिल्लामा जिल्ला समन्वय समिति (जिसस) को नेतृत्व चयन भएको छ ।

१२ जिल्ला मध्ये ६ वटा जिल्लामा प्रमुख र ३ जिल्लामा उपप्रमुख जितेर नेपाली कांग्रेस पहिलो भएको छ । नेकपा एमालेले ४ जिल्लामा प्रमुख र २ जिल्लामा उपप्रमुख जितेर दोस्रो स्थानमा रहेको छ ।

माओवादी केन्द्रले २ प्रमुख र ५ उपप्रमुख जितेको छ । लोकतान्त्रिक समाजवादी पार्टी लोसपाले २ उपप्रमुख जितेको छ । सत्ता गठबन्धनमा रहेका जनता समाजवादी पार्टी र नेकपा एकीकृत समाजवादीको उपस्थिति शून्य भएको छ ।

कांग्रेस र सत्ता गठबन्धनभित्रको अन्तरघातका कारण नवलपरासी पश्चिम र कपिलवस्तुलुमा अल्पमतमा रहेको एमालेले जिससको नेतृत्व जित्न सफल भएको छ ।

कांग्रेसले बाँके, बर्दिया, दाङ, रुपन्देही, गुल्मी र प्युठानमा जिसस प्रमुख जितेको छ । यस्तै बाँके, बर्दिया र दाङमा उपप्रमुख पनि जितेको छ । एमालेले पाल्पा, अर्घाखाँची, नवलपरासी, कपिलवस्तुमा प्रमुख जितेको छ भने पाल्पा र अर्घाखाँचीमा उपप्रमुख जितेको छ ।

माओवादी केन्द्रले रोल्पा र रुकुम पूर्वमा प्रमुख जितेको छ । यस्तै रोल्पा, रुकुम पूर्व, गुल्मी, प्युठान र नवलपरासी पश्चिममा उपप्रमुख जितेको छ । माओवादी केन्द्रले रोल्पा र रुकुम पूर्वमा गठबन्धन नगरी एक्लै प्रमुख र उपप्रमुख जितेको हो ।

प्रकाशित मिति: आइतबार, असार ५, २०७९ ११:५६