सशस्त्र प्रहरीले रुपन्देहीको सिमाबाट बरामद गर्यो ठुलो परिमाणको गहुँसहित लत्ताकपडा

अर्थ

गृहपृष्ठ
अर्थ
सशस्त्र प्रहरीले रुपन्देहीको सिमाबाट बरामद गर्यो ठुलो परिमाणको गहुँसहित लत्ताकपडा

सशस्त्र प्रहरीले रुपन्देहीको सिमाबाट बरामद गर्यो ठुलो परिमाणको गहुँसहित लत्ताकपडा

शनिबार, माघ २१, २०७९ बागेश्वरी पोस्ट

रुपन्देही । सशस्त्र प्रहरीले रुपन्देहीबाट ठुलो परिमाणमा अबैध गहुँसहित विभिन्न सामाग्री बरामद गरेको छ ।

रुपन्देहीका विभिन्न सिमा नाकाबाट सशस्त्र प्रहरी बल नं. २७ गण अन्तर्गतका बिओपीको टोलीले भारतबाट ल्याउँदै गरिएका २ लाख ७९ हजार ५ सय रुपैयाँ बराबरका अवैध सामाग्री बरामद गरेको सशस्त्र प्रहरी बल नं. २७ गण रुपन्देहीले जनाएको छ ।

सशस्त्र प्रहरी बल नं.२७ गणका अनुसार सशस्त्र प्रहरी बिओपी बोगडीबाट सशस्त्र प्रहरी निरीक्षक अर्जुन कुँवरको कमाण्डमा गएको गस्ती टोलीले मर्चवारी गाउँपालिका-१ हरिणगढबाट अवैध रुपमा भारतबाट ल्याउँदै गरिएको ८९ हजार ७ सय रुपैयाँ बराबरको १३८० किलो गहुँ बरामद गरेको हो ।

त्यस्तै रुपन्देहीकै ओमसतिया गाउँपालिका ४ बसन्तपुरमा सशस्त्र प्रहरी निरीक्षक मनोज खड्काको कमाण्डमा रहेको गस्ती टोलीले बिहीवार राती साढे ११ बजे अवैध रुपमा नेपालतर्फ ल्याइदै गरिएका ठुलो परिमाणमा लत्ताकपडाका बरामद गरेको छ । सशस्त्र प्रहरी बल नं.२७ गणका अनुसार बरामद गरिएको लत्ताकपडा ओसारपसार गर्न प्रयोग गरिएको लु १ ह ३३२३ नम्बर अटोरिक्सासमेत बरामद गरेको छ ।

बरामद गरिएका सबै अवैध सामाग्रीलाई आबश्यक कारबाहीका लागि शुक्रवारनै रुपन्देही भन्सार कार्यालय बुझाइएको सशस्त्र प्रहरी बल नं. २७ गणले जनाएको छ ।

केही दिन अघि मात्रै सशस्त्र प्रहरी बल नं.२७ गण रुपन्देहीको कमाण्ड सम्हालेका सशस्त्र प्रहरी उपरीक्षक दीपक थापाले सीमा नाकाबाट हुने अवैध तस्करीविरुद्ध लाग्न आफ्ना मातहतका जिल्लाका सबै सशस्त्र प्रहरी युनिटलाई निर्देशन समेत दिएका छन् ।

प्रकाशित मिति: शनिबार, माघ २१, २०७९ १४:३९

प्रतिक्रिया दिनुहोस्