रुपन्देहीमा सशस्त्र प्रहरीको तस्करी निस्तेज अभियान, बरामद गर्यो लाखौंको अवैध सामग्री

अर्थ

गृहपृष्ठ
अर्थ
रुपन्देहीमा सशस्त्र प्रहरीको तस्करी निस्तेज अभियान, बरामद गर्यो लाखौंको अवैध सामग्री

रुपन्देहीमा सशस्त्र प्रहरीको तस्करी निस्तेज अभियान, बरामद गर्यो लाखौंको अवैध सामग्री

शुक्रबार, माघ २७, २०७९ बागेश्वरी पोस्ट

रुपन्देही । सशस्त्र प्रहरीको तस्करी निस्तेज अभियान अन्तर्गत रुपन्देहीका विभिन्न स्थानबाट आज ठुलो परिमाणमा अबैध सामाग्री बरामद गरिएको छ ।

रुपन्देहीस्थित सशस्त्र प्रहरीको पजरकट्टिबाट बिओपीबाट सशस्त्र प्रहरी निरीक्षक पुरुषोतम रेग्मीको कमाण्डमा गएको टोलीले आज बिहान साढे ८ बजे रोहिणी गाँउपालिका-२ लखनौटियामा भारतबाट नेपालतर्फ ल्याउँदै गरिएको ३३ हजार ४ सय रुपैयाँ बराबरको मोटरपार्टसका अवैध सामाग्री बरामद गरेको सशस्त्र प्रहरी प्रहरी बल नं. २७ गणले जानकारी दिएको छ ।

त्यस्तै आज बिहान पौने १२ बजे सशस्त्र प्रहरी बिओपी मझगावाबाट सशस्त्र प्रहरी निरीक्षक तुल्सीराम पाण्डेको कमाण्डको टोलीले कोटहीमाई गाउँपालिका-४ त्रिलोकपुरबाट अवैध रुपमा ल्याउँदै गरिएको १ लाख ३८ हजार बराबरको चिनी, घ्युसहित तस्करीमा प्रयोग भएका २ वटा मोटरसाइकल समेत बरामद गरेको हो ।

सशस्त्र प्रहरीको तस्करी निस्तेज अभियानमै रुपन्देहीकै सिद्धार्थनगर नगरपालिका -१ डण्डामा नेपाल बोर्डर आउट पोष्ट डण्डाबाट सशस्त्र प्रहरी निरीक्षक मनोज खड्काको कमाण्डमा गएको टोलीले आज दिउँसो सवा १२ बजे अवैधरुपमा ल्याउँदै भारतबाट नेपालतर्फ ल्याउँदै गरेको अन्दाजी ६२ हजार ३ सय रुपैयाँ बराबरका लत्ताकपडा र १ लाख ४३ हजार १ सय रुपैयाँ मुल्यका कस्मेटिक्स सामाग्री बरामद गरेको सशस्त्र प्रहरी बल नं.२७ गण रुपन्देहीले जनाएको छ ।

सशस्त्र प्रहरीले बरामद गरेका सबै अवैध सामग्री लगायत मोटरसाइकललाई आबश्यक कारबाहीका लागि आजै रुपन्देही भन्सार कार्यालय बुझाइएको सशस्त्र प्रहरीले जानकारी दिएको छ ।

प्रकाशित मिति: शुक्रबार, माघ २७, २०७९ १६:२१

प्रतिक्रिया दिनुहोस्