नेपालगन्जबाट झण्डै ५ किलो सुनसहित २ जना पक्राउ

अर्थ

गृहपृष्ठ
अर्थ
नेपालगन्जबाट झण्डै ५ किलो सुनसहित २ जना पक्राउ

नेपालगन्जबाट झण्डै ५ किलो सुनसहित २ जना पक्राउ

बिहीबार, वैशाख ७, २०८० बागेश्वरी पोस्ट

सांकेतिक तस्बिर

नेपालगन्ज । बाँके प्रहरीले नेपालगन्जबाट ४ किलो ९२७ ग्राम अवैध सुनसहित दुई जनालाई पक्राउ गरेको छ ।

विशेष सूचनाका आधारमा नेपालगन्ज न्युरोडस्थित न्यू इन्द्रेणी होटलबाट गएराति ४ किलो ९२७ ग्राम सुनसहित दुई जनालाई पक्राउ गरेको बारेमा बाँके प्रहरीले आज दिउँसो २ बजे पत्रकार सम्मेलन मार्फत जानकारी दिन लागेको छ ।

सुनसहित पक्राउ पर्नेमा विराटनगरका रमेश सोनी र प्रकाश ठाकुर रहेका छन् । उनीहरुलाई आज दिउँसो पत्रकार सम्मेलनमार्फत सार्वजनिक गरिँदैछ ।

पक्राउ परेका उनीहरुबाट प्रहरीले सुनका चुरा, ब्रास्लेट, मंगलसूत्र, बाला, ढुङ्ग्री, औँठी लगायत बरामद गरेको बताइएको छ ।

बाँके प्रहरीले सुनसहित पक्राउ परेका दुई जनासँग यसबारेमा थप अनुसन्धान गरिरहेको जनाएको छ ।

प्रकाशित मिति: बिहीबार, वैशाख ७, २०८० १३:५३

प्रतिक्रिया दिनुहोस्