सशस्त्र प्रहरीद्वारा कृष्णनगर भित्रिदै गरेको लाखौंको अवैध लत्ताकपडा बरामद

अर्थ

गृहपृष्ठ
अर्थ
सशस्त्र प्रहरीद्वारा कृष्णनगर भित्रिदै गरेको लाखौंको अवैध लत्ताकपडा बरामद

सशस्त्र प्रहरीद्वारा कृष्णनगर भित्रिदै गरेको लाखौंको अवैध लत्ताकपडा बरामद

बिहीबार, असार ७, २०८० बागेश्वरी पोस्ट

कपिलवस्तु । सशस्त्र प्रहरीले कपिलवस्तुको सीमा नाकाबाट लुकिछिपी भारतबाट नेपालतर्फ ल्याउँदै गरेको अवैध समाग्री बरामद गरेको छ।

सशस्त्र प्रहरी बल नम्बर २८ गण कपिलवस्तु मातहत रहेको कृष्णनगर भन्सारस्थित सीमा सुरक्षा गुल्मले कृष्णनगर ५ डबराबाट डीएसपी रमेश थापाको कमाण्डमा गएको टोलीले अवैधरुपमा भन्सार छली गरि ल्याउँदै गरिएको १ लाख रुपैयाँ बढीको सामाग्री बरामद गरेको कपिलवस्तु सशस्त्र प्रहरी प्रमुख एसपी जीवन केसीले जानकारी दिएका छन् ।

कपिलवस्तुमा सशस्त्र प्रहरीको कडा निगरानी पछि ठुला तस्करहरु पलायन भइसकेको अवस्थामा खुला सीमाका कारण हुने स-साना तस्करीलाई पनि निस्तेज पार्ने अभियानमा लागेको सशस्त्र प्रहरीको टोलीले आज बिहान पौने ८ बजे १ लाख २ हजार २६० रुपैयाँका लत्ताकपडा बरामद गरेको एसपी केसीले बताए।

बरामद गरिएका अवैध लत्ताकपडालाई आजै आबश्यक कारबाहीका लागि कृष्णनगर भन्सार कार्यालय बुझाइएको एसपी केसीले जानकारी दिएका छन् ।

एसपी केसी भन्छन् ' अवैध रुपमा भारतबाट आउँने साना होस वा ठुला कुनै पनि समाग्रीलाई बिना भन्सार आउन दिदैनौ', ।

सशस्त्र प्रहरीले कपिलवस्तुमा तस्करहरुलाई कडा निगरानी गरेयता आजभोलि भन्सार छली भई आउने अवैध समाग्रीलाई बरामद गर्दै आएको छ।

प्रकाशित मिति: बिहीबार, असार ७, २०८० २१:२८

प्रतिक्रिया दिनुहोस्