कपिलवस्तुबाट सशस्त्र प्रहरीद्वारा करिब पौने ३ करोड राजस्व संकलन

अर्थ

गृहपृष्ठ
अर्थ
कपिलवस्तुबाट सशस्त्र प्रहरीद्वारा करिब पौने ३ करोड राजस्व संकलन

कपिलवस्तुबाट सशस्त्र प्रहरीद्वारा करिब पौने ३ करोड राजस्व संकलन

आइतबार, असार ३१, २०८० बागेश्वरी पोस्ट

कपिलवस्तु । तस्कर नियन्त्रणमा काविल बन्दै सशस्त्र प्रहरीले कपिलवस्तुबाट यस आर्थिक वर्षमा करिब पौने ३ करोड रुपैयाँ बराबरको राजस्व उठाएको छ ।

यस आर्थिक वर्षमा सीमा तस्करीलाई सशस्त्र प्रहरी बलका यसअघिका सशस्त्र प्रहरी उपरीक्षक (एसपी) सुर्य शेन वली र बर्तमान एसपी जीवन केसीले त्यस्ता गतिविधिलाई कडाइ गर्दै अवैध सामग्री बरामद गर्दै सशस्त्र प्रहरी नं. २८ गण कपिलवस्तुले २ करोड ६२ लाख ७७ हजार २७१ रुपैयाँँ राजस्व उठाउन सफल बनेको छ ।

अहिलेको बर्तमान समयमा कपिलवस्तुमा हालका एसपी केसीले नेपाल भारत खुल्ला सीमाका कारण हुने साना ठुला तस्करीमा निगरानी बढाएपछि तस्करको भागाभाग भएको छ । सम्भावित तस्करीलाई मध्यनजर गर्दै एसपी केसीले मातहतको विओपि तथा चेक पोष्टलाई तस्करी नियन्त्रणमा कडा निर्देशन दिएका छन् ।

एसपी केसीले छिमेकी देश भारतका सुरक्षा निकायसंग पनि यस बारेमा समन्वय गर्दै दुवै तर्फका सुरक्षा निकायलाई संयुक्त गस्ती गर्न समेत पहल गर्दै आएका छन् ।

कपिलवस्तु क्षेत्रको झण्डै ९३ किलो मिटर लामो सीमा क्षेत्रमा एसपी केसीको नेतृत्वले गरेको सीमा सुरक्षा र तिव्र अनुगमनले सीमा क्षेत्रबाट उठ्ने राजश्वमा समेत बृद्धी हुन थालेको त्यहाँस्थित भन्सार कार्यालय बताउँछ ।

एसपी केसी भन्छन्-“ सशस्त्र प्रहरीको सीमामा कडा निगरानी हुँदा अवैध सामग्री ओसारपसार, सीमा क्षेत्रमा हुने अपराध, लागूऔषध कारोबार, मानव बेचबिखन जस्ता जघन्य अपराध झण्डै झण्डै बन्द भएका छन्” ।

एसपी केसीले त्यस क्षेत्रको कमाण्ड सम्हालेको करिब ६ महिनाको अवधिमा गरिएको कडाईमा अवैध सामग्री लगायत तस्करहरुले प्रयोग गर्ने मोटरसाइकल, साइकल, स्कुटर लगायत सवारीसाधन बरामदलाई समेत तिब्रता दिएपछि आजभोलि तस्करहरु पलायन झै भएका छन् ।

भारतबाट भित्रने अवैध सामानका कारण आफ्नो व्यापार घटेको बताउने कपिलवस्तु क्षेत्रका स्थानीय व्यापारी पनि यतिवेला खुसी देखिन्छन् । सशस्त्र प्रहरीले थालेको यस्ता अपरेशनले तस्करी नियन्त्रण हुँदै आफ्नो व्यवसाय बृद्धि हुन थालेको स्थानीय व्यापारी बताउँछन् ।

सीमापारीबाट कपिलवस्तु भित्रिने लत्ताकपडा, हार्डवेयर, पशुजन्य बस्तु, खाद्यान्न, जुत्ताचप्पल लगायतका अन्य सामग्रीको तस्करी निरन्तर घट्दै गएपछि यतिबेला कपिलवस्तुका व्यापारीहरुलाई धेरै राहत मिल्दै आएको छ ।

प्रकाशित मिति: आइतबार, असार ३१, २०८० ११:२५

प्रतिक्रिया दिनुहोस्